【聲明】港生活網站並無進行電話推廣活動

赤柱廣場Lovecation 海邊喫茶品酒音樂祭

發佈時間: 2021/07/07

疫情下Staycation大行其道,想有最佳「度假」感受,今個夏天記住去赤柱喇。黛安收到風,赤柱廣場將會喺本月17日至8月8日舉辦「Summer Lovecation」,逢星期日會有唔同主題嘅特色工作坊,有齊喫茶、品酒、親子及寵物主題。

公關姊妹推介文青情侶去參加喫茶同品酒班,喺夏日臨海享受陣陣海風,飲住日本清酒同威士忌,仲可以學埋綠茶、白茶、烏龍茶、紅茶同黑茶5大人氣茶種特色,愜意之餘連個人內涵都level up啦。

學習完仲可以去商場新設嘅幻彩燈影裝置打卡,睇住80嘅塊幻彩燈片折射出五彩陽光,畫面份外亮眼;夜晚投影嘅色彩燈光,更可攝出型格感。黛安已約好姊妹喺8月嘅周末去赤柱廣場玩,因為廣場會舉辨「KKBOX夏日無損音樂祭」,可以欣賞到陳柏宇、林奕匡、黃妍等歌手嘅天籟之音㖭。

撰文: 黛安 消息特靈八卦公關
欄名: 八卦名利場