聲夢傳奇｜鍾柔美Yumi跳唱《狂野之城》破75萬點擊 被捧做鄭秀文接班人：以佢為目標

無綫唱歌比賽《聲夢傳奇》決賽將於本月19日舉行，除兩大熱門姚焯菲（Chantel）及炎明熹（Gigi）外，年僅14歲的鍾柔美（Yumi）在上周六一集中跳唱郭富城的《狂野之城》彈出，令她人氣急升；YouTube上的表演影片在短短3日已累積了逾75萬（截至今早10時）點擊，掀起網民熱烈討論！

{{hket:inline-image name="006.jpg"}}{{/hket:inline-image}}

在比賽當日已盛讚Yumi的音樂人張佳添，其後在個人頻道繼續對她讚不絕口，直指Yumi是鄭秀文接班人及女版郭富城：「灑金粉嗰吓，佢嘅眼神、態度、動作，你就知道佢係舞台嘅Star。佢有壓台感、Timing（掌握得好）、動作流暢度、力度全部好犀利。佢Ending嘅眼神，仲係話緊畀我哋聽：『我Own咗個舞台』。Yumi得14歲，好有前途！」

{{hket:inline-image name="008.jpg"}}{{/hket:inline-image}}

唔少網民亦因該表演對Yumi另眼相看，指她是港版蔡依林的同時，更有感她的表現已超越參賽者水平。對於獲得網民厚愛，Yumi謙虛謂：「好多謝大家讚賞，我冇諗過做鄭秀文或蔡依林接班人，但我會以佢哋為目標，向佢哋學習。」她又指未有因而感到有壓力：「因為喺台上可以做自己最鍾意嘅唱歌、跳舞，我係好享受同開心嘅。比賽結果係點，順其自然，最緊要做好自己。」

{{hket:inline-image name="007.jpg"}}{{/hket:inline-image}}

而在比賽片段中，見到身為Yumi導師的泳兒（Vincy）哭成淚人，原因是Vincy想為Yumi大平反：「喊得咁犀利係因為啲人成日覺得Yumi剩係跳舞叻，對佢唱歌能力有啲質疑，我好想幫佢平反，佢唔係剩係可以跳，唱歌都可以。所以今次我特別著重教佢唱歌演繹同眼神。」Yumi亦在IG特別感激導師，說︰「我喺台上面見到你喊，我嗰陣好驚，點知你係感動。都係因為你，先有我呢個咁好睇嘅表演。」

Yumi曾是家燕媽媽旗下組合Honey Bees成員，據Yumi透露，她七、八歲已開始學舞，並學過Pop、Funky、Jazz Funk、民族舞及拉丁舞等多個不同舞種。從那時開始，她每星期至少抽兩小時練舞；日子有功，難怪甚麼舞種都能夠駕馭。

（↓點擊放大睇圖片↓）

另外，在早前一集《STARIES聲夢定時動態》，Yumi獲衛蘭親自接放學返屋企，亦同時令Yumi的屋企內貌曝光！

{{hket:inline-image name="yumi4.png"}}{{/hket:inline-image}}

從影片中可見，Yumi家住村屋，衛蘭跟住Yumi行樓梯上樓。打開家門後可見大廳以白色為主調，好闊落；而落地玻璃增加採光度和空間感，又分隔開廳和露台。

Yumi自6歲起參加過百次比賽，獲獎無數，不同比賽的獎盃、獎座放滿在電視機前，是她「身經百戰」的證明。而電視機櫃旁邊放了電子琴及其他樂器，相信Yumi平時就在廳練歌及彈琴。

（↓點擊放大睇圖片↓）

聲夢傳奇｜鍾柔美唔妒忌炎明熹反視為榜樣 「全部人都認咗佢係好有實力」 【下一頁】

同場加映：【娛樂直擊】姜濤阿Jer勸粉絲夫妻和睦 花姐出口為老公們發聲

{{hket:ul-video id="3464"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】