曾文豪何超瓊青梅竹馬感情深厚 四代同堂搞60大壽笑逐顏開

前港姐李美慧2018年同曾文豪拍拖半年奉子成婚，二人年紀相差26載，不過年齡對佢哋嚟講完全唔係障礙，非常甜蜜恩愛。日前係曾文豪嘅60大壽，佢嘅大女曾昭怡（Natalie）喺IG上載多張慶生照，當中同曾文豪青梅竹馬嘅世交何超瓊都有到賀，後者更加係Natalie「契媽」，兩家人關係非常親密！

{{hket:inline-image name="1.JPG"}}{{/hket:inline-image}}

城中富豪曾文豪父親曾紀華，二十世紀80、90年代係香港知名嘅百億富豪，跟何鴻燊、鄭裕彤等富豪關係非常好。何超瓊係曾文豪嘅兒時玩伴，而男方嘅前妻楊穎欣亦係何超瓊嘅好閨密兼生意伙伴，仲close到做埋Natalie嘅契媽，兩家關係千絲萬縷。

曾文豪嘅party非常熱鬧，除咗呢位重量級老友，單係佢嘅直系親屬都已經夠撐場！有曾文豪大女Natalie同女婿仲有佢兩位外孫女，當然唔少得太太李美慧同2歲細女Maia；仲有十月懷胎生佢嘅曾老太都在場一齊慶祝，四代同堂，溫馨非常！