吳若希今年開設YouTube個人頻道，不時邀請親朋好友上來接受訪問。近日她就請來好友麥美恩（Mayanne），兩人大談兄弟姊妹經。吳若希有個細自己11年嘅細佬；而Mayanne有兩個哥哥，分別相差10歲同8至9歲。後者喺訪問更自爆擇偶排行榜，到底對方究竟要具備咩條件呢？
與吳若希談子女經│Bob提愛女遇Haters攻擊為父辯護 激動落淚：怕佢覺得爸爸係垃圾【下一頁】
Mayanne一開始便笑言兩個哥哥唔錫佢，「而家先開始有啲增進感情，一路以嚟都係會打交嘅。（吳若希：以為呀哥都會寵妹）睇性格㗎咋，我啲哥哥都係『總之你唔好阻住我拍拖，唔好阻住我出去玩』心態。」她又指細個時做妹妹有一個著數位，「係可以隨時任性……覺得犯任何錯，都有藉口去抵消懲罰，有免死金牌。」
而身為家姐嘅吳若希就直言好羨慕Mayanne可以做人阿妹，「我由細到大都被樹立一個形象係我係家姐，要負責照顧屋企所有人同細佬，所以就算到而家都係我負責照顧細佬。以前未識釋放壓力嗰時覺得好攰，成個人好緊繃。我覺得細佬做得好唔好係關我事……有時都會羨慕佢。」她又指細佬有時伸手問她攞錢學嘢，雖然她心知細佬多數是三分鐘熱度，但因為想畀佢試吓，所以都會應承對方。
Mayanne直言自己雖然唔係家姐，但以佢觀察所見，做家姐會有強勢感覺，同埋比較容易妒忌。吳若希亦直言不諱，「我細佬仲係BB時，我有唔開心過。試過有次喊住攬實媽咪問佢係咪唔要我……真係會介意，可能因為同細佬年齡差距有啲大。」
講到生仔定生女嘅問題，吳若希爆老公喺細仔出世後竟然後悔：「我生完仔之後，何生同我講，好似都係生女好啲，會Sweet啲。」
（↓點擊放大睇圖片↓）
之後吳若希問Mayanne在交往時會唔會留意對方喺屋企入面係做人阿哥定細佬，Mayanne坦言在拍拖時會好小心留意，「我會有小小介意佢係咪獨仔，孻仔同獨仔係我最concern（關心）。如果識到嗰個係大哥嚟，我覺得係最好，起碼佢識得去照顧人。」
她又直言如果配偶是獨生子，可能會好麻煩，「獨仔就真係縱壞嘅！（吳若希：何生，佢真係唔做嘢）普遍啲獨仔係好麻煩……佢會覺得點解冇，或者點解要我做。佢哋慣咗聲控人嚟服侍佢，佢冇要去感恩嘅感覺，好麻煩。」
對於孻仔，吳若希表示：「孻仔嘅性格好好，通常好擅長𠱁人開心。」不過Mayanne對其又有另一番見解：「我哋理性啲分析，通常一個家庭生到2至3個多數都係中產，孻仔可能覺得呢個世界係美滿啲，因為由細到大都被人照顧。但我都識部分孻仔都識照顧人，不過係用𠱁嘅方法居多。」吳若希順勢話幫Mayanne徵婚，對方則表示而家係佛系心態：「我好難sell㗎，所以我而家係是但啦，邊個都得！」
（↓點擊放大睇圖片↓）
鬥了解屋企│吳若希喪笑老公Alex弱智兼低能 「你擔當呢個父親角色做過啲咩？」【下一頁】
同場加映：麥大力分享與簡淑兒戀情 放閃程度力壓陳展鵬單文柔
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】