大家樂全新焗素豬扒飯 $49享超「植」體驗

大家樂招牌飯餐「一哥焗豬扒飯」，相信唔少人都試過，黛安聽公關姊妹講，大家樂憑多年製作焗豬扒飯嘅經驗，最近配上全植物食材，推出新款焗飯「招牌焗素豬扒飯」，只需$49就可以感受到美味同超「植」體驗！

公關姊妹話，呢款素豬扒飯嘅精髓，在於採用獲英國Vegetarian Society認可嘅優質特選厚切無骨植物肉。素豬扒外脆內嫩，口感鮮嫩又多汁，食落好似真豬扒之餘，仲係低脂又無膽固醇，絕對係健康之選。另外，大家樂為呢款飯配上高纖有「營」嘅紅米蛋炒飯，加上用西芹、番茄同洋蔥調配而成嘅純植物滋味醬汁，配合蘑菇、菠蘿同翠肉瓜等營養配料，保證令人一試愛上，黛安都要搵機會試食先得！