【聲明】港生活網站並無進行電話推廣活動

大家樂全新焗素豬扒飯 $49享超「植」體驗

發佈時間: 2021/07/09

大家樂招牌飯餐「一哥焗豬扒飯」,相信唔少人都試過,黛安聽公關姊妹講,大家樂憑多年製作焗豬扒飯嘅經驗,最近配上全植物食材,推出新款焗飯「招牌焗素豬扒飯」,只需$49就可以感受到美味同超「植」體驗!

公關姊妹話,呢款素豬扒飯嘅精髓,在於採用獲英國Vegetarian Society認可嘅優質特選厚切無骨植物肉。素豬扒外脆內嫩,口感鮮嫩又多汁,食落好似真豬扒之餘,仲係低脂又無膽固醇,絕對係健康之選。另外,大家樂為呢款飯配上高纖有「營」嘅紅米蛋炒飯,加上用西芹、番茄同洋蔥調配而成嘅純植物滋味醬汁,配合蘑菇、菠蘿同翠肉瓜等營養配料,保證令人一試愛上,黛安都要搵機會試食先得!

撰文: 黛安 消息特靈八卦公關
欄名: 八卦名利場