【聲明】港生活網站並無進行電話推廣活動

吳若希幫手徵婚 麥美恩拍拖抗拒獨生子︰我好難Sell

發佈時間: 2021/07/09

麥美恩(Mayanne)日前應邀上好友吳若希(Jinny)的網上節目,大談擇偶條件。雖然現年34歲的Mayanne感情交白卷,但她對擇偶有一定要求,揚言抗拒跟獨生子或孻仔談戀愛,更言之有理的逐點解釋。Jinny公開表示幫忙徵婚,但Mayanne竟拆自己台︰「我好難sell㗎!」認真搞笑。

Mayanne在節目中透露有兩個胞兄,分別比她年長十歲及九歲。問到做妹妹有甚麼着數?Mayanne笑說︰「細個係可以隨時任性嘅,犯任何嘅錯,你嘅懲罰永遠都有藉口去抵銷,會容易無事發生,免死金牌都幾強勁嘅。」

雖然Jinny比Mayanne年輕五歲,但Jinny已婚兼已為人母,加上身為家中的大家姐,自然懂得如何照顧別人。Jinny說:「我直頭覺得喺我嘅血入面,係born to be要照顧人。」Mayanne即表示︰「我同人講我有兩個大哥哥無人信㗎,因為我個人偏向獨立。」說到此時,Mayanne突然怒睥在場的Jinny老公何兆鴻(Alex),爆seed謂︰「做咩啫,何生你成日製造噪音,你睇還睇,唔好出聲吖嘛!」Alex被罵後顯得一臉尷尬,之後乖乖點頭認錯,Jinny則仰頭大笑,完全沒有「幫拖」。Mayanne續說︰「你(Alex)唔好阻住我吖嘛,你搶我風頭!」果然有妹妹專屬的霸氣。

佛系心態等運到

問到尋找另一半時,會否留意心儀對象是哥哥或弟弟?Mayanne直言介意另一半是否獨生子或孻仔,她解釋︰「識到大哥係最好嘅,佢會識得去照顧人,獨仔就真係縱壞。」Jinny即細細聲認同說︰「何生真係唔做嘢,同埋會點人做嘢。」Mayanne指獨生子通常為人非常麻煩︰「佢哋會覺得點解要我去做,慣性聲控所有人去招呼佢。其實孻仔都麻煩㗎,但至少佢哋會𠱁人開心,人又浪漫。」Jinny乘機表示要幫Mayanne徵婚,Mayanne指自己是佛系心態︰「我好難sell㗎,所以我依家係是但啦,邊個都得。」

撰文︰Pat

美術︰梁政敏

吳若希幫手徵婚 麥美恩拍拖抗拒獨生子︰我好難Sell

Mayanne突然發火鬧Alex發出噪音,身旁的Jinny竟然仰頭喪笑。(影片截圖)

吳若希幫手徵婚 麥美恩拍拖抗拒獨生子︰我好難Sell

Mayanne(左)一輪嘴解釋自己的擇偶條件。(影片截圖)

吳若希幫手徵婚 麥美恩拍拖抗拒獨生子︰我好難Sell

Mayanne與無綫娛樂新聞台男主播許文軒(右)傳緋聞。(資料圖片)