吳雨霏想做《全民造星IV》導師

專心相夫教子的吳雨霏（Kary），前晚難得出席時裝活動，已兩年沒有公開現身的她說：「呢兩年嘅生活真係一言難盡，不過係好開心，呢段時間日日都忙照顧兩個小朋友，大仔已經三歲，細女都一歲半。」Kary計劃逐漸復工，有傳ViuTV邀請她與好友鄧麗欣（Stephy）一齊擔任導師，Kary笑說：「未有人聯絡我，睇下Stephy意願啦，如果佢答應，我都有興趣㗎。」談到Stephy近日失戀，Kary說：「我哋有聯絡，佢心情OK，佢係一個好strong嘅女仔。（介紹男仔給Stephy？）等佢ready先啦，佢有佢嘅timeline。」

Kary跟環球唱片剛約滿，她透露正洽談續約，她也傾向動筆，她說︰「始終合作太多年，我哋講心唔講金，其實我都仲好掛住唱歌，上次出唱片已經係幾年前嘅事。依家多數唱兒歌，希望將來有機會可以畀小朋友睇到我喺舞台上唱歌。」

攝影：林良明