被小姜糖唱歌俘虜 姜濤宣布做「老竇」

人氣男團MIRROR迷倒萬千少女，吸納不少老、中、青的粉絲，最近就有小姜糖（姜濤粉絲）向姜濤示愛，成功俘虜姜濤的心。姜濤直言想當這位小姜糖的「爸爸」，前晚他更向萬千姜糖扔出「震撼彈」，宣布︰「我有女兒了！」

日前，有一位媽媽級姜糖上載她的兩歲半囡囡Brittany唱《蒙着嘴說愛你》的片段，唱畢後Brittany被問到會選擇爸爸還是姜濤，她即甜笑回答︰「姜濤。」

片段引起姜濤注意，他在社交平台分享該片段，並留言︰「來做我女兒吧！」小姜糖Brittany也很快答應了「爸爸」的請求，拍片回應甜喊︰「姜濤、姜濤，我願意。」片中她更向姜濤送上飛吻。初為「人父」的姜濤明顯非常興奮，他前晚轉發片段，並在IG限時動態「報喜」︰「和各位宣布一件事，我有女兒了。」不少粉絲都留言笑說︰「搶完人哋老婆，仲搶埋人哋個女」、「求真爸爸感想」，非常搞笑。

Anson Lo突破尺度騷肌

至於MIRROR另一人氣成員盧瀚霆（Anson Lo），前日26歲生日的他風頭一時無兩，IG追蹤人數更已超越姜濤。而Anson Lo相當愛錫粉絲，生日當天推出新歌《不可愛教主》及MV，原來這正是送給神徒（Anson Lo粉絲）的生日禮物，Anson Lo說︰「上次出歌已經係一月尾嘅事，所以好想喺生日正日，同fans有一個遙距嘅共同回憶。」

MV採取全劇情式拍攝，並找來陳漢娜（Hanna）擔任女主角，Anson Lo自爆為MV獻出「第一次」︰「人生第一次拍MV係有女主角，最難忘係同Hanna頭貼頭嘅場面，因為喺我嘅演藝生涯入面，第一次同女主角有咁貼身嘅接觸，當時真係好緊張！」Anson Lo又在MV中大曬結實胸肌，他笑說︰「最近無乜時間操，演唱會之後只係做過兩次gym，真係好驚無嘢畀人睇，所以拍攝呢啲場面之前，我就不停做掌上壓，埋位前都要做多幾下。」

撰文︰Crystal

美術︰梁政敏