居住問題｜港女想過二人世界 未來奶奶願借百萬首期置業 男友拒絕一個原因提出住劏房

香港樓價持續高企，對於不少年輕情侶來說，「上車」置業彷彿是遙不可及的事。一名港女日前發帖，指欲以AA制與男友搬出租樓享受二人世界。對方家人得知後，提出借150萬元作首期供兒子買樓；惟男友聞言後卻拒絕，指會「自己搞掂」，更以一個原因提出租住劏房。事主對此感到崩潰，不禁大呼：「明明有能力都唔揀住好啲！」

該名港女在「香港討論區」以「想同男朋友搬出去住點知佢話要住劏房」為題發帖，指她與男友現時各與家人同住，兩人經討論後，決定搬出租樓享受二人世畀；未料在尋找樓盤時，男友卻「百彈齋主」上身，令事主大感無奈，

「明明都睇緊樓，點知佢又嫌呢間太遠嗰間太貴，咁搬出去住就係咁㗎啦！我哋有評估過每個月交完租，日常開支之後都仲可以有剩錢，所以先真係去睇樓。」

她表示與男友商量好，每月預算租金最多為1萬多元，全部開支會除半。兩人曾看過月租9,000多元的村屋，「我哋兩個都可以畀得起，但係佢就嫌唔夠方便」；至於服務式酒店住宅，事主因「可以唔使自己做家務又有享受」而覺得不錯，惟男友仍是拒絕，

「男朋友又話點解要畀錢住酒店？咁樣冇家的感覺……本身都係同屋企人住，可能覺得住酒店嘅feel咩都唔使做冇家的感覺……明明平時喺屋企佢都唔做家務㗎啦，同我講家的感覺！」

她續指，男友母親得悉兩人欲租樓後，表示「如果係要搬出去住嘅不如買樓」，願借150萬供兒子置業；惟男友聞言後竟斷言拒絕，表示：「唔使啦，我哋會自己搞掂。」而令事主最感崩潰的是，男友竟提出租住劏房，

「最後問佢又唔買又揀唔啱樓租，咁點搬出去住？佢答我：『我哋住劏房咪得囉』……仲話『深水埗咪幾好囉』……問佢點解揀劏房，佢話『深水埗方便』喎……」

對此，事主感到大惑不解，認為劏房租金其實並不便宜，「既然都搬得出去住，點解仲要住劏房喎？我都係想過好啲嘅生活啫，咁都有錯咩？」而且，假如真的買樓，她也不會要求加名，並願意與男友一起供樓，

「就算真係買樓都唔會叫佢將層樓加我個名啦，又未結婚。至於話咩驚『會唔會買完樓先話分手』呢樣嘢，都係感情穩定先會話想搬出去。」

此事引來網民熱議，不少人認為事主男友之所以有以上各種行為，是因為「有骨氣」不欲花母親的錢，而且亦擔心搬出自住後會「一闊三大」，建議他們不如先儲錢，延遲搬出自住的計劃：

（↓點擊圖片放大↓）

同場加映：

用創意傳承美食 朝聖銅鑼灣百變雞蛋仔

{{hket:ul-video id="3455"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

責任編輯：李凱晴