洪梁聯婚丨洪永城喊住爆梁諾妍懷孕4個月 黃翠如蕭正楠贈土豪粗金鏈祝福

今日是洪永城（Tony）與梁諾妍（Inez）的婚禮大喜日子，於一片好天氣下在香港瑰麗酒店舉行婚禮，從今開始㩦手踏進人生另一新階段，Tony亦開心宣布太太已經身懷六甲，二人幸福美滿，一起執子之手，與子偕老。

{{hket:inline-image name="092323dc-58b6-4069-82a9-0a054608db3f.jpg"}}{{/hket:inline-image}}

今早，洪永城率領C君及一眾好友兄弟團氣勢浩蕩地迎接新娘。而由新娘梁諾妍帶領的黎紀君及一眾閏蜜的姐妹團更與兄弟團大玩小遊戲，過程Tony雖然遇上不少懲罰，但十分爆趣。Tony為表愛意，唱出《分分鐘需要你》，說出愛的宣言，從今以後所有事情都順從老婆的意思，洋洋的幸福感由心而發。

敬茶環節，二人亦依足傳統，除了對洪永城在天上的爸爸致上敬意，更以視像通話形式對身在外地的Tony媽媽敬茶，場面非常感動；此外，身為契家姐的黃翠如及老公蕭正楠亦有到場祝賀，更送上Tony身上所戴的兩串大金鏈。另外，二人更向Inez的經理人公司老闆Stephen Chau （鄒世龍）敬茶，Inez表示因為自己入行以來第一間簽約的就是在此公司，而Stephen一直十分關照她，因此視他為爸爸一樣。

一對新人於下午接受傳媒訪問，洪永城指自己冇休息，但都依然神采飛揚：「多謝晒大家嘅祝福呀，頭先閃燈令到我有少少想嘔，因為尋晚冇瞓過，完全冇瞓過，（梁：我又瞓得幾好），所以我同你咪咁夾囉，大家係互補凹凸，（做咩冇瞓過呀？）緊張啦，興奮啦，又喺度練習台詞啦……（誓詞？）誓詞唔使練，即係感想、愛的宣言。咁就眼光光成晚（咁都幾靚仔。）係呀得個殼，好在拍得劇多有少少底，日子有功。」

梁諾妍指二人有個中式嘅儀式先，斟茶、着褂，跟住玩新郎，洪永城分享被玩嘅感想：「你（老婆）姊妹都幾有心機去度遊戲，玩「密室逃脫」，我要搵四個數字先可以開到對門，搵唔到又要做啲懲罰，都係啲正常虐待嘢，踩石春路呀，攞夾夾耳仔抆出嚟，C君玩得好開心嘅，嗰道門就係去佢間房，姊妹度得好辛苦，仲排練過一次。

梁諾妍話一班姊妹尋晚最後綵排玩兄弟搞到點幾，洪永城未講愛的宣言時已經開始有少少眼濕濕。洪永城再次多謝老婆：「多謝佢收留我呢個咁古靈精怪嘅一個男人啦，唔好嘅壞習慣（梁：你唔好再咁話自己，你真係改咗好多）唔沖涼就瞓覺，經常半夜三更睇工作範圍以外嘅嘢，經常想做新嘗試，佢又接受都好支持我，好感激。洪永城透露自己畀咗4位數字開門利是，指自己啲錢將來都係老婆。記者再次問到佢係咪雙喜臨門，洪永城就開始眼濕濕回應:「的確係做爸爸，4個月，預產期年尾，計劃之內，2月求婚，3月就試做人，試咗兩個月。」呢個感性爸爸仲話bb係佢更加努力搵錢嘅動力呀！

圖片來源：大會提供