Ian陳卓賢@MIRROR拍廣告學生look煞食 花姐譚仔腔客串演出網民讚搶Fo

MIRROR人氣爆晒燈，各成員吸金力驚人，廣告與代言工作排山倒海，最新輪到Ian（陳卓賢）為譚仔三哥拍攝全新微電影廣告，除了女主角請來YouTube界仙氣女神小薯茄阿冰外，最爆莫過於有埋MIRROR經理人花姐變身譚仔姐姐壓軸登場，驚喜又搶Fo。

{{hket:inline-image name="66.jpg"}}{{/hket:inline-image}}

阿冰和Ian穿起校服完全冇遺和感。(網上截圖)

{{hket:inline-image name="75.jpg"}}{{/hket:inline-image}}

又幾puppy love feel喎！(網上截圖)

{{hket:inline-image name="68.jpg"}}{{/hket:inline-image}}

花姐出場係彩蛋。(網上截圖)

Anson Lo@MIRROR獻「第一次」緊貼陳漢娜 派福利報答神徒 出浴曬胸肌 【下一頁】

廣告中講述Ian和阿冰由中學年代拍拖到入大學，到各自投身社會工作，開始乏略身邊人和事。由28歲的Ian演繹中學生，與阿冰齊齊回到校園時，穿上校服look沒有遺和感。為演繹puppy love戀愛感 ，鏡頭畫面只限於拖下手仔和挨心口，感覺一樣好sweet ; 但當兩人鬧交分手，Ian借食大辣湯底來發洩情緒，邊食邊落淚，睇到心痛。

去到尾片驚喜彩蛋「花姐」出場，以譚仔姐姐的造型，加埋操一口流利的「譚仔話」維肖維妙，「嘩，巧耐戊見，咁大個仔啦 li，禾真係巧hi仙，咁大隻嘅而家，禾hi始有心跳啦......」短短幾句「譚仔腔」對白，喜感十足，花姐這次變身「譚仔姐姐」與七仙羽可以一較高下。

不少網民看完廣告後，大讚Ian和阿冰演出好有共鳴，「睇到我好感動呀，成條片都好正呀！陳卓賢真係扮中學生都冇遺和感」、「真係回憶味道返晒嚟」、「 睇住Ian同阿冰，睇到眼濕濕，然後見到猶如漆黑中螢火蟲嘅花姐，笑咗」，讚花姐搶Fo又搞笑，「花姐喺邊間做 ? 我要去食」、「 真係最強嘅三哥花姐姐」。

撰文：衛紫敏

同場加映: 【娛樂直擊】姜濤阿Jer勸粉絲夫妻和睦 花姐出口為老公們發聲

{{hket:ul-video id="3464"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

《東張西望》︳珠寶店老闆2000萬博一夜暴富 潮賭緬甸石 爛石當翡翠輸身家 【下一頁】