《全民造星IV》面試｜黃榕被花姐鬧喊再騎呢劈腿搶Fo 娛圈小強以陳冠希「女友」之名出位

現年39歲嘅黃榕日前到九展參加ViuTV《全民造星IV》海選面試，即場接受花姐（黃慧君）、梁祖堯及許廷鏗3位評審點評。

{{hket:inline-image name="138724352_434263550960875_6462480498453021137_n.jpg"}}{{/hket:inline-image}}

面試完結後，黃榕表示有少少唔開心，隨即爆喊。佢指自己因心情緊張，所以以小跳步入場，不過就遭花姐以嚴厲語氣指佢唔尊重場合；之後要介紹自己時，佢帶上個人寫真集，又被梁祖堯反問覺得係性感還是色情，黃榕說：「佢話我令佢尷尬，但我覺得係性感，總之一開始氣氛就唔好。」

黃榕又指面試期間，遭花姐狠批她唱歌不好聽，跳舞又不好看，還被對方質問事前可有預備。黃榕無奈說：「我有預備呀，其實我跳了舞很多年，也有找老師學唱歌。我知道節目嚴謹，所以事前都有模擬過被抨擊情况，豈料超出我預計。當刻原本忍住不喊，還保持笑容，但花姐說我很不開心，為何還扮笑。我從未試過被這樣抨擊，以前網上的（批評）看完就算，但今次面對面，真的接受不了。」她透露面試時除獻唱王灝兒（JW）的《逃生門》外，還準備了幾樣表演，但都未有機會使出一字馬「腿咚」。

問到是否打定輸數？黃榕表示唔再諗，但也無後悔，亦自知唔會贏；今次參加《全民造星IV》全因自己鍾意唱歌、跳舞，比賽也無年齡限制，指自己疫情下在家也無事做，本身又很喜歡真人騷，所以一試。

唔少網民都讚佢好有毅力，又欣賞佢喺娛圈打滾咁多年嘅不死精神，不過就話今次《造星》係要組女團，「榕姨」以39歲之齡參加未免太「資深」：「20年前黃榕出寫真分分鐘有其他參賽者都未出世」、「真係做到姜濤同Tiger阿媽」、「最當打時都紅唔到，而家更加難紅」。不過唔少網民都話對黃榕有咩代表作一啲印象都冇，話只係記得佢自稱係陳冠希女友，仲三日唔埋兩日就提起自己同陳冠希嘅往事。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】