黛安
黛安

霍啟剛促發展體育產業 自爆死纏爛打追跳水皇后

發佈時間: 2021/07/13

霍啟剛促發展體育產業 自爆死纏爛打追跳水皇后

東奧本月23日開幕,港協暨奧委會副會長霍啟剛同太太奧運「跳水皇后」郭晶晶,最近接受馬會《駿步人生》訪問,談及二人如何因運動結緣,佢哋覺得新一代年輕人好有創意幹勁,應拓展國際視野,再透過地理優勢發揮所長。

霍家三代都參與體育發展,霍啟剛話港府提出將運動精英化、盛事化和普及化至今20年,覺得未來要配合市場同國家發展,令體育唔止係一個企業社會責任,而係一個產業能有利可圖,好似年輕一輩流行做Slasher,身兼多職,建議透過普查,重新審視未來體育發展嘅方向。

郭晶晶都話,當年喺國家隊退役後,去過英國留學,先發現外面世界如此大,「過咗一段時間,我才知道如何思考問題」。

兩人相識於體壇,黛安都好奇霍啟剛如何追得美人歸?晶晶話,04年雅典奧運國家隊金牌健兒來港參加大滙演時,霍啟剛喺晚宴上兩次搵佢合照,佢覺得好奇怪,「點解影完又影?我唔知佢係邊個。」霍啟剛就笑言︰「當時策略就係死纏爛打。」

撰文: 黛安 消息特靈八卦公關
欄名: 八卦名利場