【聲明】港生活網站並無進行電話推廣活動

與龔嘉欣姊妹情深 姚子羚否認曾不和

發佈時間: 2021/07/14

無綫昨日舉行奧運宣傳活動,不少藝人出席支持。有份出席活動的姚子羚早前傳出曾與閨密龔嘉欣不和,有指子羚不滿被姊妹「出賣」戀愛史引致反目。昨日子羚透露她與嘉欣近日合作拍攝《仨心友行2》,在40度高溫的玻璃屋內拍攝相當辛苦。被問到兩人是否已經冰釋前嫌?她說︰「從來都無嘢,係外間講啫,我哋以前都飛過去馬來西亞做節目,所以有晒默契。」

至於將在本周五前往東京採訪奧運的方力申(小方),近日被問到會否翻撻舊愛鄧麗欣(Stephy)時,他回應兩人連朋友都不是,引來一眾網民不滿。小方昨日解釋只是開玩笑︰「好明顯係講笑,我再講一次,嚴格嚟講,我係佢fans,唔係朋友,因為網絡世界要互相follow先至係朋友,(你留意佢IG?)係其他人話我知。(驚唔驚Stephy誤會?)唔會,娛樂圈係咁至有話題,我講傑青都無人理,我將個波交番畀Stephy講。」

同場的余德丞(Dickson)曾與蔡思貝傳緋聞,早前思貝患上風癩入院,Dickson聞言後反應甚大︰「吓!咁誇張?我媽咪都有教我可以搽酒餅喺患處,(你唔教思貝?)我都唔知佢生風癩!大家終於發現其實我同佢唔係好熟。(有無煲湯畀佢?)我連微波爐都唔識用,仲話煲湯!」

採訪︰Pauline

與龔嘉欣姊妹情深 姚子羚否認曾不和

一眾藝人出席奧運記者會,方力申(中)自認是Stephy粉絲。