停工一年多出山│黃心美爆妹妹堅強待公司安排工作 對黃心穎緋聞男友泥鯭印象OK

黃心穎和許志安的「安心偷食」事件發生超過兩年半，兩人事業一鋪清袋，形象直插谷底。不過在愛情路上，許志安一早獲太太鄭秀文（Sammi）原諒，並表明支持老公「復出」；至於心穎最近就被影到與樂隊RubberBand鼓手黎萬宏（泥鯭），孖公仔帶愛犬外出，疑似蜜運當中。「安心偷食」後，被背叛的馬國明去年6月公開與湯洛雯拍拖，二人不時放閃又經常傳出婚訊，非常甜蜜。不過心穎亦不愁寂寞，去年中已有傳她與泥鯭拍拖半年，雖然當事人沒有回應，但早前兩人一起放狗，關係似乎十分穩定。

安心偷食│黃心穎2年零收入未肯斷約無綫 賣樓沽出啟德天寰套現百萬度日【下一頁】

{{hket:inline-image name="8ef06d5c-7fc8-447f-a30a-369e4acbc8fe.jpg"}}{{/hket:inline-image}}

{{hket:inline-image name="20478687_493411010993680_4717545262782873600_n_600_600.jpg"}}{{/hket:inline-image}}

{{hket:inline-image name="08fb415a-830b-4a99-b186-8f709518e57d.jpg"}}{{/hket:inline-image}}

心穎家姐黃心美前日出席活動時被問及此事，心美解釋當天其實是自己愛犬生日，原本相約心穎、泥鯭及另一朋友一起去狗cafe慶祝，但最後朋友爽約，演變成「三人行」。心美直指當日狗狗才是主角。問她心穎和泥鯭是否拍拖？她表示︰「我都知你哋會咁問我，佢哋兩個人之間嘅關係，無論朋友定情侶，都唔應該由另外一個外人去答。（你係佢親人喎。）我邊有資格講。（要由當事人答好啲？）梗係啦，你哋最好見到佢就問佢。」

而問到對泥鯭的印象，心美說︰「OK呀，同佢做朋友OK呀！（追心穎係咪都過關？）呢啲係佢哋兩個人嘅事，佢過我妹嗰關，唔使過我關㗎！」

至於心穎最近的生活如何？心美透露妹妹閒時都在家中照顧愛犬、做運動和看電視。早前有傳心穎經常約娛樂圈人飯聚，密謀復出，問到心穎的工作安排時，心美即落閘表示︰「工作嘅嘢我諗問佢都唔知，因為好被動，要問佢公司，佢而家都係休息，我無理咁多。而家佢面對緊嘅嘢，要佢自己調節心境，屋企人對佢永遠不離不棄，係佢嘅避風港，但點面對，全部都係靠佢自己。」

黃心穎低調慶32歲生日開懷大笑 29+1最熱鬧連走幾場切N個蛋糕【下一頁】

談到工作停擺，會否為向來愛曬名牌的心穎帶來經濟壓力，心美卻表示︰「我諗我壓力大過佢，有限聚令好多嘢都做唔到，我主要做司儀工作，但都停咗年幾，好彩我有儲蓄，不過我好慳嘅。」

另外，早前有報道指心穎賣樓賺了百多萬，心美坦言不清楚實際數字，但透露之前與心穎夾份在加拿大買樓，現在可以當包租婆幫補一下。至於心穎可會離開香港？心美指沒有跟對方談過，也不太擔心，她表示︰「邊擔心得咁多，佢自己人生，真係無得顧咁多，我顧掂自己先，佢有佢自己人生，唔係你幫佢做選擇佢就會跟。（佢好洩氣？）咁又無，佢好堅強。」

同場加映：黎明演唱會邀林日曦做嘉賓 手拖手唱歌上演《大叔的愛》

{{hket:ul-video id="3554"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：子楠