【聲明】港生活網站並無進行電話推廣活動

羅子溢爆囡囡單眼放電冧死人

發佈時間: 2021/07/15

羅子溢(前名羅仲謙)昨日與麥明詩媽媽麥何小娟,到書展出席兒童書籍活動。子溢表示女兒「小珍珠」目前15個月大,他與太太楊茜堯(前名楊怡)正為囡囡學業頭痛︰「就嚟要報playgroup同揀學校,要安排啲節目,但我哋同自己講唔好覺得煩,因為小朋友係禮物,要樂在其中。」他笑指有時忘記了為女兒安排節目而激嬲老婆︰「我哋無嗌交,只係冷戰,不過我聽晒老婆話。」

他透露楊茜堯早前在內地拍劇返港後,暫時未有新工作︰「因為老婆好掛住個女,覺得之前因為做嘢錯過咗個女三個月嘅童年,返到香港個女試過唔認得阿媽,搞到老婆好hurt。」另外,他笑指「小珍珠」性格似自己︰「個女遺傳我啲古靈精怪,鍾意周圍聞嘢,佢又識單眼放電,又會用個頭掂你,好sweet。」至於再追第二胎,他笑言會盡力︰「(造人)要唔刻意先得,所以心態隨緣。」

羅子溢爆囡囡單眼放電冧死人

羅子溢與楊茜堯希望女兒有快樂童年,不會刻意催谷。(資料圖片)