「母子檔」賣雪糕月餅｜姜濤跟經理人一齊拍廣告唔多慣 被花姐嗌師兄感謝指教幕前演出

MIRROR人氣成員姜濤又有新廣告推出，今次孖經理人花姐（黃慧君），以「母子檔」合作賣雪糕月餅。姜濤期間被發現迴避花姐的眼神，即被問到是否不願意合作？他即連忙解畫話：「因為花姐為人比較嚴格，拍攝時感受佢嘅凌厲眼光，有少許壓力，同佢第一次一齊拍廣告唔係好習慣，唔太敢望佢。」

{{hket:inline-image name="07152002.jpg"}}{{/hket:inline-image}}

{{hket:inline-image name="15EOSR2687.jpg"}}{{/hket:inline-image}}

真·姜B︱姜濤榮升爸爸四度傷害人哋老公 被兩歲半姜糖唱《蒙著嘴》俘虜【下一頁】

姜濤賣口乖話自己是首次拍攝時見到異性不敢直視，並透露拍攝前兩晚已經開始「瞓唔著」，一直好期待，但又有點緊張，見到工作人員為花姐化妝整頭，感到好新鮮。花姐開心表示：「你竟然當我係異性？！幾十年嚟冇人當我係異性，好開心姜濤當我係異性。」

調教你MIRROR｜花姐跟鏡仔關係曾變差擔心反面 姜濤：以前的確畀咗佢好多麻煩【下一頁】

當要求他們互評對方表現時，姜濤表示：「花姐進度好快，要向佢多多學習，好開心可以跟呢位知名經理人合作。」花姐即回敬話：「姜濤演技進步很多，我好開心，今次係我第一個月餅廣告，可以同香港知名嘅姜濤先生合作，我好高興得到姜濤師兄嘅指教，我覺得自己進步很多。」至於會送甚麼口味月餅給花姐，姜濤揀了「北海道蜜瓜夾心」月餅，他搞笑講：「大家都知點解啦！」花姐即窒姜濤話：「你指面皮『鞋烚烚』，還是『圓轆轆』？」姜濤好識做答：「好似蜜瓜般可愛、好食、甜美。」

（↓點擊放大睇圖片↓）

此外，對「明日之星」姜濤有何期望，花姐認真表示：「我希望佢可以真正做到想做嘅事，我知佢心裏面最想做到嘅，就係唱到一隻鍾意嘅歌、拍一首好貴嘅MV，之後就退休。首先我就要滿足佢可以拍到一首好貴嘅MV，我希望可以喺三年內拍到佢想拍嘅MV。」她又爆姜濤之前參考的外國MV出動千軍萬馬，需要幾千萬的製作費外，更願望能夠買樓置業，姜濤聞言即希望廣告商繼續找他們工作，要有更多廣告商才可以儲更多的錢。

撰文：梁榮達

同場加映：群星見證《晴報》十周年成長 齊聲祝賀生日快樂

{{hket:ul-video id="3569"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】