盛舞者｜錢嘉樂被舞者熱血燃起心中火 計劃減30磅自導自演特技動作片

錢嘉樂最近接獲曾志偉及王祖藍召喚，回港主持無綫選秀真人騷《盛舞者》，過程中被參賽者的熱血鬥心燃起心中一團火，決定減30磅重出江湖，不是以武術指導或導演身分去「老點人」，而是趁自己身手仍靈活時，有計劃親身上陣去拍動作片，感覺做人不要輕言放棄，預告會做番昔日一些的特技，香港人會睇得有共鳴。

{{hket:inline-image name="DSC08782.jpg"}}{{/hket:inline-image}}

{{hket:inline-image name="DSC04070.JPG"}}{{/hket:inline-image}}

諸朋好友│錢嘉樂拍戲遭汽油彈燒傷變豬頭 眼濕濕憶母親醫院探病表情反應【下一頁】

有傳為了今次《盛舞者》而推掉酬金豐厚的內地工作，嘉樂說：「我唔會用『推』同『高價錢』去形容，係有啲內地工作，覺得可以容後去傾，香港又有啲有意義嘅工作，加上獎門人（曾志偉）叫到，啱做又有意義就做咗先。趁自己有能力作抉擇，因為做演員係好被動，所以唔可以用推咗幾多錢嘅工作，唔係用呢啲去衡量。」

提到參賽者充滿熱血鬥心一面，有否喚起心中一團火？他說：「有，大家係互動，而家年輕人只係爭一個機會，實在係跳舞嘅人，社會係忽略咗一啲。排舞排到去紅館嗰啲仲好啲，你都有啲收入，街舞就好自發性，自己享受完就唔計較酬勞，係幾難去生存。當你年紀大咗便要抉擇，究竟要生活定要理想？我喺咁多個Round睇到啲年輕人，理想唔係年齡限制，年輕時係有好多理想，我係被佢感動到。」嘉樂指監製最初想他參與跳舞部分，可是他卻很抗拒，不明白點解要特登去跳，「一睇就知舞步過咗期，咁我就話唔好啦，都係一個節目，跳完之後跳得好就好，跳得唔好就似夾硬跳，好似一個『老鬼』著條Hip Hop褲喺度扮年輕人，覺得無咩意思，順其自然啦……，睇番我哋唔係一般綜藝性節目，『無錯嘞，大家好，我係錢嘉樂，我身邊就咩……』，唔會有呢啲嘢，好自然去帶動一啲文化出嚟畀大家認識，仲有一班年輕人喺呢個項目努力緊。我感受到大家年輕嘅熱血，所以最尾嗰集唔多唔少…都走唔甩，跳啦…都係跳番幾十年前啲樣，哈哈哈﹗」

多功能武指丨錢嘉樂不解溫柔到學懂製造驚喜 默默耕耘網民讚真「獅子山精神」【下一頁】

嘉樂最終被參賽者喚起心中一團火，想趁身體仍靈活時拍齣動作片，「其實趁自己郁得係咪做番套戲，即係自己練咗咁耐嘅嘢，成日形容武術指導就係『老點人』，想做番一個香港嘅故仔，錢嘉樂都係拍動作片，關於自己嗰行一啲嘢，由我去試吓演繹一吓。近期計劃畀自己一個考驗，所以好想減番30磅度，噚日走咗去練翻筋斗，希望自己喺銀幕做番一啲動作，帶番一啲訊息畀觀眾，呢啲都係畀佢哋（《盛舞者》）影響。（計劃要減幾耐？）我就好快，嗰時演唱會都好快，最主要唔好反彈。但呢次唔係真真正正瘦嘅關係，我要搵番以前嘅錢嘉樂先，以前好多危險動作都會做，諗都唔諗就上去做，而家好似揹住幾個石油氣桶咁；為咗自己一個理想又好，為自己又好，既然以前得，點解要咁快放棄呢？（自導自演？）係，題材一定係熱血，覺得要啱睇同有意義，香港人會有共鳴。」

（↓點擊放大睇圖片↓）

至於這次較長時間留港工作，最開心是否太太湯盈盈和兩個女兒？嘉樂表示：「盈盈幾緊張我啲工作喺邊度做，啲對白多數就係話最好喺香港，但我唔介意周圍走，拍《黃金兄弟》都全世界走，反而香港就冇。有時睇住個女長大係幾開心，呢年發覺啲小朋友大得好快，趁佢畀你錫時就陪多啲，大個咗有自己朋友就唔睬你。（邊個女較似你？）兩個都似，呢個答案最好，樣同性格各有各似﹗（會如何培訓女兒？）唔會逼佢哋，而家再次學體操，都係佢哋鍾意先，有時兩、三分鐘熱度。」

撰文：梁榮達

同場加映：群星見證《晴報》十周年成長 齊聲祝賀生日快樂

{{hket:ul-video id="3569"}}{{/hket:ul-video}}

 Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】