望《大叔的愛》開續集 呂爵安盧瀚霆提議增加甜蜜畫面

人氣男團MIRROR成員盧瀚霆（Anson Lo）及呂爵安（Edan）主演的ViuTV熱爆劇《大叔的愛》明晚大結局，「田牧CP」深受歡迎，二人希望結局收視達雙位數字外，又想原班人馬開拍續集或電影版。提到粉絲投訴劇中的甜蜜場面太少，他們亦表示「唔夠喉」，若果拍續集會建議「加甜」，例如拍攝一些「閨房趣事」。

盧瀚霆、呂爵安及邱士縉（Stanley）前晚貫徹「MIRROR無夏天」的特色，穿上樽領冷衫及大褸等冬裝現身。《大叔的愛》播出以來口碑及收視創出佳績，Anson Lo及Edan皆非常興奮，同時不捨得劇集播完，Edan說：「大家叫我哋『田田』、『阿牧』，感覺好親切，希望有機會開拍續集或電影版。」二人又表示15集的感情綫發展略嫌唔夠喉，若拍續集會建議加強甜蜜場面：「留意到大家想睇嘅唔係肢體上嘅親密，而係日常生活嘅甜蜜，可以加啲日常小互動，好似喺屋企一齊刷牙、睇電視。」Anson Lo更建議加插睡前講故事𠱁Edan睡覺的溫馨情節。

另外，提到Anson Lo因劇集人氣急升，其IG的追蹤者人數超越隊友姜濤，Anson Lo希望大家不要比較數字，反而感激大家對MIRROR的支持。至於有鏡粉伴侶發起名為「我老婆嫁咗比MIRROR導致婚姻破裂關注組」的苦主群組，Edan說：「好得意呀，又好搞笑，睇到會心微笑。」Anson Lo亦說：「雖然睇落似一班老公投訴，但其實佢哋好sweet，為老婆做咗好多事。」問他們在街上可有被叫做情敵？Anson Lo笑謂︰「咁又無，不過有位同我住喺同一棟大廈嘅爸爸，話我知佢係關注組成員，我有啲驚訝，佢仲問我『係咪好緊張？但放心，我完全唔憎你』，哈哈！」

傳Edan做新劇男主角

另外，ViuTV將開拍新劇《i.SWIM》，故事以游泳隊為背景，ViuTV亦正公開招募新演員。有傳男主角已敲定為MIRROR成員，人氣當旺的Edan成為男一大熱，他日前上載曬肌相時，曾留言說：「嚟緊工作需要必須操到好fit，希望變到大隻安。」加上有潛水學校IG上載與Edan的合照，並留言祝福Edan在《i.SWIM》將有更好表現，似乎男主角已是Edan囊中物。

採訪：Pauline

攝影：林良明

美術：梁政敏