黎明演唱會︳鄭伊健用向Leon做Love U手勢 鏡粉集氣MIRROR做嘉賓惹黎粉不滿

天王黎明一連九日在紅館舉行《Leon黎明Talk & Sing 2021紅館演唱會》，昨晚（15日）第6場演出，請來型男鄭伊健做嘉賓。一向被稱為「金句王」的Leon，昨晚變身「手勢王」自創「Love You」的示愛手勢，又教現場觀眾做圓圈手勢放在眼睛前，代表「人群之中我只看到你」，令全場歌迷瘋狂尖叫！

{{hket:inline-image name="11.jpg"}}{{/hket:inline-image}}

第6場演唱會，黎明請來伊健做嘉賓，兩人18年前曾在電影中合作。(圖片：大會提供)

{{hket:inline-image name="24.jpg"}}{{/hket:inline-image}}

黎明自創LOVE U手勢，伊健即刻跟住做。(圖片：大會提供)

黎明演唱會｜林日曦致歉做嘉賓令歌迷失望 黎明重酬撬開金口：嘉賓好似香檳咁 【下一頁】

當伊健出場時，他即活學活用，向大家做出用手指圈眼的Love You手勢，令Leon開心說：「你又知？OK……」二人2003年因電影《雙雄》結片緣，伊健在台上大爆與Leon的拍戲往事，「你記唔記得有一場戲喺條好靚嘅隧道拍？嗰度其實係化糞池。當時沙士好犀利，喺咁嘅環境拍攝我好驚；但你好淡定，嚟到仲笑住同我打招呼。當時我心諗：我哋一齊拍戲，佢都唔驚，我唔使驚！」Leon解釋淡定原因，原來是他根本不知該處是化糞池，拍畢後回家才知道；更即場反問伊健：「你做乜唔話我知！」搞到全場爆笑。

伊健又讚Leon好有紳士風度，「當年我哋都好鍾意車，有一日我揸咗架車到片場，Leon話想睇吓，我畀條車匙佢，叫佢隨便玩啦！但佢打開車門冇即刻上車，而係坐低，雙腳仲係車門出面……」之後就見到Leon雙腳互拍，「佢唔想整污糟架車，拍拍鞋底先上車，好有紳士風度，好加分！」伊健又說：「當年我哋拍完套戲，疫情就消失，希望今次我哋第一次紅館合唱之後，疫情盡快消失。」Leon立即與他擊掌叫好，然後二人背對背Chok住合唱《友情歲月》。Leon說：「今次喺台上面合唱，留下一個好嘅回憶畀大家，亦留畀自己。」

頭幾場Leon請來的嘉賓都令觀眾大感驚喜；有網民就熱烈討論之後幾場的嘉賓人選，不過竟惹起Leon和MIRROR粉絲罵戰！事緣近日網上盛傳姜濤會做Leon個唱嘉賓，令到一眾「姜糖」到處撲飛，黃牛飛炒至5、6千仍有人問津照買。一班「鏡粉」（MIRROR粉絲），日前又在一個網上專頁出Post，希望大家集氣請齊MIRROR十二子做尾場嘉賓，更形容如真的發生，就是兩代人氣王的「完美交棒」；但此舉即引來Leon的一眾粉絲不滿，除覺得他們「騎劫」Leon演唱會外，更大鬧鏡粉所謂「交棒論」，「交咩棒？完全唔同級數嘅人，唔該唔好拉埋嚟講」、「唔好講到全世界都鍾意MIRROR」、「要追鏡仔咪去ViuTV囉！」，而亦有Leon鐵粉留言認為根本不需要嘉賓，「我個心係畀Leon唔係畀鏡仔」。

撰文：衛紫敏

同場加映：聲夢傳奇｜「火雞」孫漢霖為追夢無悔辭職參賽 曾遭家人反對：佢哋話唱歌好唔實際

{{hket:ul-video id="3574"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

「母子檔」賣雪糕月餅｜姜濤跟經理人一齊拍廣告唔多慣 被花姐嗌師兄感謝指教幕前演出 【下一頁】