大叔的愛｜「KK」黃德斌婚紗Look熱爆洗版 網民封ViuTV視帝：突破過往框框

ViuTV熱爆劇集《大叔的愛》今晚（16日）大結局，阿田（Edan呂爵安飾）終於知道自己的最愛是誰，下定決心不與KK（黃德斌飾）結婚，著住白色禮服追回前度阿牧（Anson Lo盧瀚霆飾）。不過最爆還是昨晚（15日）播出的一集，講到阿田幻想與KK結婚，糾結誰才是新娘，要著婚紗；結果出現黃德斌戴上小后冠，並著上低胸婚紗奔向鏡頭一幕。畫面震撼又爆笑，更瞬間成為全城熱話，網上即時湧現大量截圖。

{{hket:inline-image name="07162002.jpg"}}{{/hket:inline-image}}

{{hket:inline-image name="07162011.jpg"}}{{/hket:inline-image}}

《大叔的愛》開電影版？｜Edan孖Anson Lo提議加甜蜜畫面 黃德斌有機會重新追求「田田」【下一頁】

昨晚《大叔的愛》講到KK成功打動阿田，二人在台灣甜蜜交往一年後，KK在餐廳安排別出心裁的求婚，阿田胡裡胡塗應承。當告知好友梓芊（徐㴓喬飾）結婚一事時，被平哥（楊偉倫飾）笑問邊個著婚紗，即時搞到阿田陷入不安，更幻想出KK跟他著婚紗的畫面。之後阿田同KK返港跟眾人宣布婚訊，阿牧顯得很失落，一副後悔跟阿田講分手的樣子……而今晚大結局講到阿田和KK正式結婚當日，二人穿上白色禮服行禮，可是阿田始終放唔低阿牧，KK看在眼內，惟有大方讓愛，獨自一人面對賓客；阿田就趕往大澳搵阿牧，向對方表白。

{{hket:inline-image name="07162013.jpg"}}{{/hket:inline-image}}

{{hket:inline-image name="07162012.jpg"}}{{/hket:inline-image}}

大叔的愛｜黃德斌轉戲路演活「戀男」大叔 網民激讚：大台扼殺咗佢嘅演技【下一頁】

Edan同黃德斌婚紗Look昨晚曝光後，網上即時湧現大量截圖，成為大家熱烈討論的話題。Edan亦於IG分享他的婚紗照，由昨晚出post至今日下午3點幾已有13萬人畀Like。不少圈中人亦有留言，同劇徐㴓喬寫上，「成日都挑戰unfollow（取消關注）既（嘅）底線。」黃偉文話：「擠出喜感做諧星。」林欣彤就表示：「OMG……呢個邊個嚟㗎？俾（畀）返爵安我！」，張繼聰簡單大讚一個字「猛」；而ERROR成員何啟華更忍不住爆粗，可見《大叔》魅力幾犀利。

（↓點擊放大睇圖片↓）

不少網民亦去到ViuTV的Facebook留言大讚黃德斌，有人認為他應該要攞今年ViuTV的視帝，「KK演繹拿捏好好，尋（噚）晚著婚紗帶埋耳環頭冠，睇得好開心，完全唔覺得核突」、「KK連液（腋）下毛都脫埋果（嗰）下先夠勁呀！」、「如果收視破紀錄，德斌可以著泳衣再突破巔峰，一定再次衝擊到觀眾視覺」、「KK真係做得好好！估唔到平時咁有型都可以做到少女心嘅感覺」、「ViuTV快啲搞個斌斌見面會啦！」、「成功突破自己過往嘅框框，正！」、「希望今年會由德斌拎ViuTV的視帝，佢做暖男同萌男的效果太意想不到，而且仲非常投入角色感覺」及「離開大台係明智嘅」等等。

（↓點擊放大睇圖片↓）

撰文：梁榮達

同場加映：黎明演唱會邀鄭伊健做嘉賓 《雙雄》重聚唱《友情歲月》

{{hket:ul-video id="3601"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】