單對單｜黎瑞恩7年前棄豪門選擇離婚 曾睇心理醫生：點都有啲覺得唔抵

無綫訪談節目《單對單》，昨晚（17日）播出最後一集，主持黎芷珊請來經歷離婚後依然活得精彩的黎瑞恩，與大家分享如何好好享受一個人的快樂。

{{hket:inline-image name="003.JPG"}}{{/hket:inline-image}}

無所不談的黎瑞恩（小恩子），問到她昔日豪門生活時笑言：「都係普通人咁咋，我唔可以成日畀一樣嘢框住自己，有時我鍾意食魚旦燒賣，咪去食咯！（啲人話豪門好多規矩要守？）我好自由喎，人哋話嫁入豪門深似海，要七點鐘請安嗰啲……但我又冇喎。（有報道話你老爺錫你？）我做番自己要做嘅嘢啫，孝順父母做仔女係必須架嘛！」

{{hket:inline-image name="007.PNG"}}{{/hket:inline-image}}

談到7年前與香港金利來集團主席曾憲梓的三兒子曾智明離婚，小恩子坦言當時很不開心：「坐坐吓會無啦啦喊，離婚時點都有啲覺得唔抵，但兩公婆成日鬧交，啲仔女見到都會唔開心。（當時婚姻已出現問題？）係，性格不合，佢又經常內地做嘢唔得閒。我自己性格又係，我唔信你時你講乜嘢我都會『銀』（單打、頂撞）你。」又指當時子女們都十分支持她，讓她很安慰，「佢哋話媽咪唔緊要啦，你而家咪仲開心！」她指女兒年紀很小時已很懂事，說到一半更忍不住感動落淚，「我生完細佬，開完刀要返屋企休養，當時個女四歲，佢走埋嚟捉住我隻手祈禱，希望神賜我健康，好感動！佢好老積㗎！」

小恩子透露最失意時，曾看心理醫生，但由於害怕食藥，所以最後靠自己想通，以及好友們的幫忙走出陰霾。「要感激梅小惠同李國祥，喺我最唔開心時陪我傾偈……『諗吓前夫嘅成長係點，你要理解同原諒佢』，呢句真係幫到手！但幫到手都要靠自己跳出嚟。」同時指保持心境樂觀，令腫瘤也消失了，「我都覺得好神奇……我突然喺街度暈咗，送入醫院後發現原來胰臟個瘤令我血糖得番2（指數）。我問醫生有冇辦法，話冇藥食，唯一辦法係開心啲啦，通常呢啲病都係屈出嚟。」雖然經歷不愉快的婚姻，但小恩子依然渴望拍拖，「我仲好有嗰種少女心。」

{{hket:inline-image name="005.JPG"}}{{/hket:inline-image}}

馬浚偉公開年齡嚇親│劉小慧爆姊妹黎瑞恩花名係豹姐 「佢前夫話佢最啱開善堂」 【下一頁】

同場加映：黎明X張敬軒唱《我的親愛》 空肚食早餐 VS 食完早餐都空肚

{{hket:ul-video id="3623"}}{{/hket:ul-video}}