結婚兩周年｜林利爆妻長期被母親精神虐待 「屋企都畀佢搞到亂晒籠」

林利在2019年與台灣女友陳貞均（Erin）結婚，不過因疫情關係及男方要留港照顧患病母親的緣故，夫妻長期分隔兩地。兩人平時靠視像通話聯絡，令這段感情遇到不少考驗，幸好最後都和好如初。7月16日是兩人結婚兩周年紀念日，不過他們並沒心思慶祝，全因Erin照顧患有精神病的母親而心力交瘁，而在港的林利亦為此煩惱不已。

{{hket:inline-image name="132315683_10226243165892577_2656712647120342239_n.jpeg"}}{{/hket:inline-image}}

54歲的林利今日在社交網出post，突然自爆太太長期被其母親虐待，「並且不只是用言語威脅，還（說）用刀要殺了我們、放火，並且追討出生到現在的所有費用，這是怎麼狀況？外母說寧何生一塊叉燒，把我的太太當成搖錢樹。怎麼會有這樣的媽媽呢？家裡精神病患是最難處理，他們好像有免死金牌。」他又為老婆打氣：「老婆我與妳同在。」

{{hket:inline-image name="3.png"}}{{/hket:inline-image}}

林利接受本報訪問時表示自己每天都會與身在台灣的太太視訊通話，不過在結婚周年紀念日當日，他的外母在旁吵鬧，更懷疑兩人一起講她壞話，有所陰謀。林利反駁外母，但對方竟鬧他：「抵你有癌症」。

他續說外母有精神病已經一段時間，「佢好唔鍾意呢個女，佢阿媽成日都話你畀二千萬抵養育之恩，我哋就各散東西。」他和太太試過送她入精神病院治療，三個月便出院，「因為醫生覺得佢唔係大犯罪者，過咗三個月，醫生覺得無乜嘢，就放佢出嚟。其實佢都知道我哋想送佢入精神病院，佢都無辦法，佢控制唔到自己。」

Erin現與母親同住，後者多次發作在家搗亂，女兒多次報警求助，林利表示︰「通常警察一嚟佢就扮好乖，扮無事，去到醫院可能住一晚就畀佢返嚟，好難搞㗎！屋企有呢啲咁嘅人係好麻煩嘅，佢仲鬧埋我祖宗十八代。」更指外母曾攞刀恐嚇其太太，「佢話：『我想殺你隨時都得，睇我殺唔殺㗎啫』，其實呢啲唔係一日兩日嘅事，屋企畀佢搞到亂晒籠，屋企唔似屋企。」

林利表示這一年承受巨大壓力，要處理自己家事及太太家中事務，分身不暇。「我呢一年嚟，即係我阿媽有病到而家呢段時間，都成10個月無見過我老婆，其實我諗心臟要好大先可以承受到呢啲嘅壓力，自己屋企嘅事、太太屋企嘅事，再加上太太有病又入醫院，開刀時我又唔喺佢身邊，佢阿媽又成日咁樣⋯⋯好多十字路口……我冇辦法去解決，件件事都要去處理、面對。」

{{hket:inline-image name="187840074_10227544850353875_5990530872233542051_n.jpeg"}}{{/hket:inline-image}}

問到林利會否飛赴台灣找老婆，「唉，暫時都唔會去住，因為而家呢個疫情太複雜，過到去又要隔離，又見唔到佢，去到又唔可以做到啲乜嘢，最多陪吓佢啫！去到陪佢咁如果我媽咪又有事呢……我又要返嚟香港，返到嚟又要隔離21日，變咗兩頭唔到岸，係好為難。」

林利更哽咽表示好掛住老婆，「老實講我想摸吓佢、𠱁吓佢，而家完全做唔到，幫唔到佢手。」

{{hket:inline-image name="201156054_10227701866679185_8016547292333283040_n.jpeg"}}{{/hket:inline-image}}

下月赴台｜林利自責未能陪伴在患病妻身旁 分隔兩地7個月感情曾歷不少考驗【下一頁】

同場加映：黎明 X 張敬軒唱《我的親愛》 空肚食早餐 VS. 食完早餐都空肚

{{hket:ul-video id="3623"}}{{/hket:ul-video}}