紅館報喜︳黎明尾場舊愛李嘉欣攜眷捧場 親自交代自己已入棺材 暗示再婚

天王黎明（Leon）一連9場的《Leon黎明Talk & Sing 2021紅館演唱會》昨晚尾場，好友李嘉欣孖老公許晉亨到場，衛蘭、蔡思貝、余德丞、《全民造星III》「折骨Ben」及寰亞娛樂老闆林建岳和女友林寶賢（Michelle）亦有捧場。Leon一如過去8場一氣呵成唱出寶麗金年代共10首金曲，由《夏日傾情》、《如果這是情》到《情深說話未曾講》，帶觀眾進入時光隧道。

{{hket:inline-image name="18.JPG"}}{{/hket:inline-image}}

黎明在紅館一連9晚演唱會，歌迷聽得如癡如醉。（東星娛樂）

{{hket:inline-image name="04.jpg"}}{{/hket:inline-image}}

黎明話「派心心」呢個動作……「二十年前喺韓國已經學識咗。」（大會提供）

{{hket:inline-image name="26.jpg"}}{{/hket:inline-image}}

黎明的演唱會舞台及燈光設計一向有保證。（大會提供）

黎明演唱會︳鄭伊健向Leon做Love U手勢 鏡粉集氣MIRROR做嘉賓惹黎粉不滿 【下一頁】

Leon獻唱冧爆情歌與歌迷集體回憶後，便論到talk show部分，他說近年流行的韓國Oppa派心心手勢，「早廿年前我去韓國宣傳，同事已經要求我做『手指心心』影相，返到嚟香港都做過1、2次。當然做咩手勢係自己決定，但我個人唔太喜歡呢啲細微嘢，尤其對男人嚟講太肉麻，對住含蓄嘅人做，對方會更含蓄，仲可能縮埋；對熱情嘅人做，佢哋又會冇乜嘢感覺；好似對住山頂咁遠嘅朋友做，會以為我捽膠布或者拎住支牙籤……咁不如直接講I Love You我愛你啦！」I Love You一出即時引來全場尖叫，他又笑言「手指心心」不會在悲情電影中出現，「因為如果有個人瞓喺地下就快死，主角攬住佢做呢個手勢，對方都唔會醒……佢醒，係因為唧咗一聲（意指忍不到笑）。」

Leon妙語連珠，指男女婚前婚後兩個樣，有身邊朋友的太太說婚後關係去到另一境界，Leon金句王上身，「我同佢哋講核心嘅外圍就係愛情，核心嘅內圍就變咗親情，（婚後）層次的確提升咗，喺地球上，我哋生活喺表層，核心入面好熱住唔到人，所以大家要互相珍惜，愛護同擁有對方。」

有道「結婚是男人的墳墓」，Leon突然扯開話題「我要請嘉賓上台」，只見他隨升降台上上落落，請來的所謂「嘉賓」其實是Leon自己，他一人分飾兩角，延伸墳墓論，「黎明請黎明係冇問題嘅，頭先個黎明已經入咗棺材，我代佢由棺材行番出嚟，唱《情緣》畀大家聽，每一份愛都係由緣分、感情作為起步點。」自2018年其助手Wing為Leon生下女兒後，Leon一直未有交代與Wing之關係，墳墓論親說「黎明已入棺材」，莫非暗示他再婚？

撰文：衛紫敏

同場加映：聲夢傳奇│Chantel難抵負評打擊偷偷落淚 Yumi感激家人粉絲見證學員成長

{{hket:ul-video id="3619"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】

潮什麼│梁芷珮一解封即飛冰島拍攝 與老公浸天然溫泉曬弗爆Body 【下一頁】