吳亦凡被緋聞女友爆性事極醜惡 掌握誘姦未成年人證據「玉石俱焚」

內地男星吳亦凡從韓團EXO退團後返中國發展，迅速擠身頂級明星行列，最為香港人認識嘅「代表作」係2017年於《中國有嘻哈》中擔任評審，一句講評問選手「你有freestyle嗎」被恥笑對Hip Hop文化唔識扮識。之不過，吳亦凡喺中國演藝圈一直「平步青雲」，唔少少女當正佢係夢中情人，但日前佢竟然被爆出一連串性醜聞，粉絲都紛紛聲討，男神跌落凡間！

{{hket:inline-image name="EXO-rap-6_img_1040_780.jpg"}}{{/hket:inline-image}}

其中中國女團SNH48成員張丹三截圖爆料，吳亦凡曾經問佢有冇同別人發生過關係，令女方感到非常不受尊重；最爆嘅都係網紅兼緋聞女友都美竹嘅指控文，指吳亦凡以選角及簽新人為由，誘騙未成年少女出席酒局兼灌飲酒，又披露佢嘅性癖好，而且仲非常露骨咁提到吳亦凡嘅尺寸，花生多到食唔切！

{{hket:inline-image name="d5757614.jpg"}}{{/hket:inline-image}}

都美竹大鬧吳亦凡「金玉在外，敗絮其中」，指自己爆料後一直被騷擾，同時有好多吳亦凡嘅員工同前員工搵佢爆料。都美竹話自己手上嘅嘢「已經可以最少送你（吳亦凡）十年牢飯？」女方各方面勁踩男方，由佢嘅演技、綜藝感以至到相處，指吳亦凡由到尾都淨係識得吹噓，以不停貶低同行為樂。

都美竹指吳亦凡暗中使錢「揞口」，又恥笑男方行房要靠食藥，更毫不留情嘲笑佢嘅尺寸，「就是你想挖鼻屎，本來想用手指，但是只能用牙籤這麼一種感覺。你改名叫吳籤吧，反正以後你這個名字也用不了。」都美竹指受害者一個個咁搵佢，佢指受害者嘅年紀越來越細，令佢非常憤怒，但唔想毀咗受害者嘅人生，「我清楚地知道，我的人生肯定已經毀了，雖然我只和吳一人發生過性關係，但大眾早已經認為我是爛褲襠，我將來我的老公，我的婆婆只要吵架肯定動不動就要拿這個說事，沒准我的孩子在幼稚園還會被叫做公車的孩子。」

都美竹向吳亦凡下戰書，「吳先生，我給你二十四小時時間準備開新聞發布會，向全網全社會宣告退出中國娛樂圈，永不踏入，然後就與你合作過的品牌該賠償賠償，該道歉道歉，向你所代言或者有合作關係的所有官方專案致歉，然後，想辦法撤下目前國內你所有的肖像產品，包括建築物還有地鐵站，同時，用手一筆一劃的手寫一封給我們所有受害者的致歉信，放到你的微博上公示三天72小時。之後立馬離開中國，你不配待在這片土地上，你個加拿大人，哪來的回哪。臨走之前，想個辦法把新冠疫苗抽出來，那是中國產的，你不配打。否則，我即使不暴露那些女孩，我也能讓你身敗名裂。」

吳亦凡今晨喺微博留言自辯︰「之前沒有回應是因為不想干擾司法程式的推進，但沒想到我的沉默卻縱容了造謠者的變本加厲，我已忍無可忍！本人只在2020年12月5日的朋友聚會中見過都女士一次，沒有灌酒、沒有收手機更沒有她描述的各種細節，當天聚會人很多，都會作證！我很抱歉打擾到大家。我申明，從來沒有過甚麼『選妃』！沒有誘姦迷奸！沒有甚麼『未成年』！如果有這類行為，請大家放心，我會自己進監獄！我對自己上述的所有話負法律責任！」不過網民都唔賣帳，留言一面倒表示唔相信佢嘅說話，更加叫佢快啲去坐監，睇嚟真係愛得深恨得更加深！

圖片來源：微博

 同場加映：黎明X張敬軒唱《我的親愛》 空肚食早餐 VS 食完早餐都空肚

{{hket:ul-video id="3623"}}{{/hket:ul-video}}