聲夢傳奇│炎明熹贏10萬獎金最想買樓做孝順女 高層曾志偉將為學員開拍青春校園劇

無綫舉辦的歌唱比賽《聲夢傳奇》昨晚（20日）圓滿結束，16歲的炎明熹（Gigi）以大熱姿態狂掃三個獎成為最終贏家，人氣、實力一直領先的她於領獎時難掩激動的心情爆喊。Gigi完騷後接受傳媒訪問，笑稱心情仍緊張，呼吸還未暢順，表示：「心情既興奮，但（魂魄）又未返番嚟咁，好似唔係真實咁，到我攞獎一刻，應該都喊得幾醜樣……唔相信自己得獎，我冇諗住得到冠軍。（回鄉探父母？）家人喺汕尾、石家莊，希望可以返去探佢哋，（贏完比賽可能仲忙？）所以要抽時間，佢哋有睇直播，現場有姑丈同姑媽，仲有我唱歌老師嚟咗。」

聲夢傳奇│16歲炎明熹大熱三料奪冠激動爆喊 「我攞咗獎 就可以返去探家人」【下一頁】

{{hket:inline-image name="dabc2ff1-5dfe-4f8d-a7ff-3f3424a82a3c.JPG"}}{{/hket:inline-image}}

{{hket:inline-image name="YUS_9009.JPG"}}{{/hket:inline-image}}

{{hket:inline-image name="YUS_9026.JPG"}}{{/hket:inline-image}}

問到十萬元獎金會如何使用，Gigi笑言：「我會儲起，或者買禮物送畀家人，不過我最想買層樓，我一定會儲錢，要買十層樓，呢個係我目標。」仍在中學求學階段，Gigi表示會如常返學，亦會兼顧歌唱事業。

兩強對決，Chantel（姚焯菲）直言對自己有少少失望，綵排時的表現比正式比賽還要好，可能心情太緊張所致，「女仔病……身體已經康復，影響不大，不過因為緊張而失準。我輸得心服口服。」她表示會入行做歌手，同時要趁暑假努力追回讀書、功課進度。Yumi（鍾柔美）稱喜歡自己的表演，好投入跳唱演出，已大感滿足，她甚有大將之風，「Gigi得到三獎係實至名歸，佢背後真係好努力。（輸得心服口服？）佢唱歌技巧係好，一直睇好佢，佢係我好朋友，好戥佢開心。」

聲夢傳奇│「國民初戀」Chantel甜唱《愛很簡單》與Gigi靠投票保送入決賽【下一頁】

冼靖峰（Archie）昨晚比賽中獲得專業評審給予的19盞燈最高分，表現最佳，卻因為觀眾投票佔50%之多，令他無法進入總決賽的兩強對戰環節。評判張佳添、伍仲衡事後大讚Archie表現出色，不少觀眾都戥佢唔抵，上網洗版式鬧爆TVB賽制不公，夾硬推Chantel同Gigi入決賽。失獎的Archie未有灰心，受訪時反而盡展風度，他說：「要怪就真係怪自己唔夠高分，我耳機聽到自己唱成點，係有美中不足，不過都已經好滿意，亦已經發揮得最好，結果係點就順其自然啦！（Gigi奪冠合理？）好合理。」完成比賽的Archie心情輕鬆，稱最想是食炸雞放縱一下。

無綫副總經理曾志偉是夜特別帶同主席許濤到現場欣賞決賽，曾志偉接受訪問時表示，將會投放資源在15位參賽者身上，不過首要不是唱歌出碟，而是安排他們拍劇，他信誓旦旦：「李敏寫緊劇本，叫做《青春的我》，15個學員都會參與，仲有《盛．舞者》幾個學員，以校園做主題，大概8月尾開拍，等佢哋開完音樂會（8月14、15日於旺角麥花臣場館舉行），休息多幾日先。」

同場加映：聲夢傳奇│Chantel曾難抵負評打擊偷偷落淚 Yumi感激家人粉絲見證學員成長

{{hket:ul-video id="3619"}}{{/hket:ul-video}}

Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】  

採訪：Pauline
責任編輯：楊安莉