馮允謙狂舉水樽操手瓜

馮允謙（Jay Fung）在新歌《因愛之罪名》MV中演吸血鬼獵人，與女殭屍產生微妙感情。雖然拍攝MV時不用露肉，但Jay為了上鏡更有型靚仔，自備營養餐盒，只有車厘茄和火雞肉三文治︰「其實我跟營養師餐單差唔多一個月，已經慣咗，唔再掛住漢堡包同pizza，好多朋友都話我瘦咗，令我更有動力。」

埋位前，Jay狂做掌上壓，又隨手拿起八公升大水樽狂舉，手瓜胸肌谷到漲卜卜。他笑說︰「最初目標只係想去沙灘游水唔好失禮，不過如果再操得更fit，可能下個MV會除晒…上衫！」