聲夢傳奇｜炎明熹爆姑丈因照顧佢而「變性」？ 淚崩唱歌老師高晨維原來大有來頭

《聲夢傳奇》前晚（19日）總決賽由16歲的炎明熹（Gigi）以大熱姿態狂掃三個獎成為最終贏家，包括「《聲夢傳奇》專業評選大獎」、「《聲夢傳奇》觀眾熱選大獎」及全場總冠軍「《聲夢傳奇》傳奇新星」，成為三料冠軍。Gigi得獎後在台上哭成淚人，不過原來坐在台下的姑媽及唱歌老師喊得仲犀利，更為Gigi感驕傲！

{{hket:inline-image name="dabc2ff1-5dfe-4f8d-a7ff-3f3424a82a3c_600.jpg"}}{{/hket:inline-image}}

Gigi本名王佳恩，在香港出世，但父母與弟妹長居內地，她自細就住在香港姑丈姑媽的屋企，而今次的比賽更獲姑丈全程陪伴。決賽時雖然在台下見不到她姑丈的身影，不過他一直在後台為Gigi打氣，更率先代她向粉絲謝票。而當姑丈聽到Gigi多謝自己時，都忍不住落下男兒淚。

而昨日（21日）一集《聲夢傳奇 傳奇誕生》中，Gigi大爆姑丈因照顧佢而要「變性」，「我覺得姑丈犧牲咗佢嘅性別。」嚇窒森美，又問她係咪要改口叫姑丈做「姑媽」，令眾人嘩然！原來她是想感謝姑丈身兼母職，無微不至照顧她，煮飯、洗衫、拖地等樣樣做齊。

（↓點擊放大睇圖片↓）

除了姑丈一家十分照顧Gigi外，Gigi亦曾透露歌唱老師高晨維很愛錫她，更特意找來一位著名風水師傅為其改藝名；師傅指Gigi五行缺火，因此便為她改名為炎明熹。在Gigi成為三料冠軍後，高晨維亦十分感動，表示：「呢一年來Gigi承受嘅壓力係超出大家所想像，但佢都一一接受，冇嗌過辛苦，不斷想做得更加好。佢好努力，最終嘅願望係想返去見爸爸媽媽，大家可以睇到佢係一個幾咁簡單嘅女仔，希望大家會繼續支持佢。」

{{hket:inline-image name="192133552_276222067571799_6207172571127532955_n.jpg"}}{{/hket:inline-image}}

高晨維來頭不小，現年36歲的她出身於音樂世家，媽媽是廣東資深粵劇歌唱者及演員。她早在1998年「新城997 Top One 新一代－劉德華慈善歌唱比賽」公開組中勇奪冠軍，15歲成為唱片公司的力捧新星。

不過在17歲時，她因厭倦複雜的人事關係決意離開演藝界。直到2009年，她再與唱片公司簽約成為發燒碟歌手，又曾出碟、開演唱會等，經驗非常豐富。在2013年高晨維創立「星格創意藝術學校」，至今教過學生過百人，當中除了Gigi外，冼靖峰（Archie）、林智樂（Felix）、詹天文（Windy）、孫漢霖（Steven）、張馳豪（Aska）、林沚羿（Venus）等都是她的學生。

（↓點擊放大睇圖片↓）

由於《聲夢傳奇》中大部分學員都是她的學生，她直言比賽是「一個左手打右手的漫長旅程」，「一個比賽裡面有咁多自己學生，每星期同佢地一齊揀歌、練歌、再經歷高低起跌，日日都超緊張、超大壓力……其實我冇預計過呢半年會咁樣渡過，亦都發現心力少啲都搞唔掂。」百感交集的她直言會一直在學生們身邊，「跟你走更遠的路，踏上更大的舞台。」

聲夢傳奇│炎明熹贏10萬獎金最想買樓做孝順女 高層曾志偉將為學員開拍青春校園劇 【下一頁】

同場加映：聲夢傳奇│Chantel曾難抵負評打擊偷偷落淚 Yumi感激家人粉絲見證學員成長

{{hket:ul-video id="3619"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】