《阿女又戀嚟》前主播遇進取男初約會嗌結婚 進擊媚姨嚇窒：咁急 末期病人咩

ViuTV配對真人騷《阿女又戀嚟》，4名單身女生與異性進行戀愛配對體驗。每名女生將與2個男仔「拍拖」，一個是自己揀，一個由父母揀。在第一集父母們為女兒「欽點」出「候選男友」後，她們正式與一眾男士dating︰鍾慧冰女兒林靜莉（Jeannie）和溜冰教練Ringo出海划艇，相處不錯；昨晚第二集，前有線娛樂主播植詠珊（Cathy）與Kenji約會，還記得之前她媽媽媚姨在「見家長」環節夠晒進擊，伸手親驗男士們是否肌肉滿滿，令觀眾印象最深，想不到媚姨為阿女挑選的「候選男友」Kenji同樣超級進取！

{{hket:inline-image name="05.jpg"}}{{/hket:inline-image}}

媚姨為女兒Cathy揀選了「進取Kenji」，未拍拖就話結婚，跳晒step喎！（電視截圖）

{{hket:inline-image name="17.jpg"}}{{/hket:inline-image}}

媚姨隔住個mon話：「咁急結婚？唔知以為佢有末期病呀！」（電視截圖）

模特兒出身的Kenji，投其所好，得知Cathy喜歡狗狗，第一次約會二人就去狗場當清潔義工，男方表現落力，徒手清潔狗籠，又話將來屋企家務「由我一個做晒」，Cathy內心表示加分！不過他是太心急？還是以為自己好幽默？常常將「拍拖嘥時間！不如直接結婚！」掛在嘴邊，嚇得女方不知如何反應，「佢講嘢有啲浮誇……」媚姨隔住個mon都要攞彩，「急到咁？唔知以為佢有末期病呀！（主持人練美娟問︰可能一見鍾情呢？）『鍾』都到冇理由咁快去終點啩……」看來Kenji要收歛一下先得嘞！

《阿女又戀嚟》進擊的媚姨為主播女兒揀大隻仔 出手扯衫：睇吓有冇老鼠仔啫 【下一頁】

第3個出場的是模特兒和足球主持麥麗怡（Lily），她的父母挑選了任職銀行的Andrew，收入穩定，身高180cm，襯番174cm的女兒。第一次約會，Lily就遲大到，遲足一個半小時，Andrew和工作人員等到發呆等眼瞓；姍姍來遲的Lily認衰狂say sorry，Andrew沒有黑面發脾氣……在傾偈過程中，原來有共同嗜好，兩人都愛打麻雀，令尷尬氣氛全消；反而Lily爸就唔幫阿女嘞，「遲到？換轉我一定冇朋友做」、「一定發爛渣」，是有型的，但風度是零。

最後一對是素人陳詠鈿（Coco）和陽光男孩Sunson，約會展開，後者扮工作人員出現在女方身邊，陪她坐車到約會地點；車程上男方話題多多，𠱁得Coco好開心，喺呢個moment……Sunson要爆嘞，向女方展露「候選男友」身分。兩人去到種滿太陽花的花田遊玩，期間Coco不小心跣腳仆倒，一褲泥漿，Sunson貼心為她清潔。

Sunson的舉動獲得Coco認證，同時得到其父母的高度評價，觀眾都睇好這一對，紛紛認為︰「呢對相處得最自然」、「感覺最開心」；相反網民就指Kenji對Cathy太「猴擒」，「未了解就結婚呢個理論，同撼頭埋牆有乜嘢分別」、「性格係點都未清楚就話結婚，成功例子比較少囉」、「性格急進、無情、孤寒，相由心生」、「不如直接生仔啦」！

撰文：衛紫敏

同場加映: 不可愛教主│Anson Lo忙爆日睡4小時仍追Po 「衝刺期唔通請假去瞓覺咩？」

{{hket:ul-video id="3644"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

陳自瑤情願不快樂但擁有1千萬 自認Dry爆：而家生活幾好 【下一頁】