生存演技派｜牛雜妹孻女感被忽略耿耿於懷 解開與母心中鬱結：何必執著

「牛雜妹」Monnie李亦喬（前名李美琪）和家姐Charlia，最近一齊參與由火火（李家榮）及蝦頭（楊詩敏）主持的ViuTV真人騷《生存演技派》，學習如何利用演技改善人生。牛雜妹昨晚（20日）一集成功解開同媽媽的心結，在鏡頭前向媽媽講「I Love You」及道歉，並獲媽媽愛的抱抱。

{{hket:inline-image name="07211003.jpg"}}{{/hket:inline-image}}

{{hket:inline-image name="07211001.jpg"}}{{/hket:inline-image}}

《愛回家》演員專程捧場｜「牛雜妹」李亦喬麵店被指欠租遭業主入稟 呼籲熟客前來支持：也許快要結業【下一頁】

火火和蝦頭昨晚揀中牛雜妹上深造班，希望藉此改善她跟家人的溝通。火火指出牛雜妹最大的問題，就是存有屋企人偏心的陰影，是由細到大心中的一根刺。火火對牛雜妹講：「喺普遍班見得多就係你同家姐關係唔好，因為爸爸媽媽可能錫家姐多啲……可能留你喺深造班，研究吓點幫你去同爸爸媽媽溝通。」

牛雜妹聞言哽咽回答：「媽咪話當年有咗阿哥、家姐之後，覺得夠喇，『你係一個意外，我唔想生你㗎』，其實聽到都會有啲唔開心。記得以前阿哥、家姐考會考，爹哋媽咪就會話佢哋需要多啲時間溫書，舖頭唔夠人我就要過去幫手；但係到我自己考會考嘅時候，阿媽打嚟就話：『舖頭好多人，快啲過嚟幫手』，咁我可能同佢講話有其他嘢做，阿媽就會發晒癲，當住舖頭所有客人面前指住我嚟鬧：『生嚿叉燒好過生你』，講啲好難聽嘅說話。佢話：『你唔幫我，就係不孝女』。我同媽咪講你每次叫我幫手，我冇同朋友出去玩，放低晒所有嘢留喺度陪你，都係想幫你，話畀你聽我係一個好乖嘅女……你根本都唔愛我嘅，做咩要生我……試過講呢啲說話出嚟，咁我阿媽就硬住咁話：『我每日要做十幾個鐘，咁係為咗邊個？都係為咗你哋之嘛！』。」

火火和蝦頭嘗試打開牛雜妹內心世界，將內心負面情緒趕走，又教她用講波、破地獄及聲音導航式等節奏作自我介紹，結果順利令她打開心靡，「經過呢幾堂之後，明白有啲嘢唔去做，你係唔會知個結果係點，特別係知道原來可以透過唔同方法去做，令成件事轉變。即係一開頭我驚講出嚟個氣氛好凝重，會嗌大交，會反面，但原來轉一個Tone（聲調）講嘢，成件事會舒服咗。」

2015年落選港姐｜「牛雜妹」李亦喬遇麻煩業主 地上有狗毛都要扣按金？【下一頁】

鏡頭一轉，眾人去到牛雜妹家人的麵店，此店早前因租務問題險結業，最終順利解決並繼續營業；這次節目組安排牛雜妹在店內跟媽媽面對面，自己解開心結，可謂更加有意義。見到牛雜妹放鬆語氣跟媽媽講：「因為我細個時候成日同你嗌交，會好深刻。（你生得靚，驚你畀人呃。）我細個時候唔識得諗嘛，就會唔開心，耿耿於懷；但我而家大個諗番，知道你係為我好嘅，知道你係好愛我，好辛苦，所以想同你講，I Love You！（唔好客氣啦！哈哈哈！）同埋我覺得細個時自己都唔啱，所以要同你『道歉』。我會畀心機養你……（養你自己得啦，我哋OK！攬下先！）你會攬我嘅咩？」兩母女在鏡頭前攬攬，場面相當感人。

（↓點擊放大睇圖片↓）

牛雜妹今日（21日）在IG再講感受：「有些觀眾說，有時未必係後生嘅做錯，點解要佢哋道歉？坦白講，上一代嘅思想、教育同我哋截然不同，要去改變/糾正佢哋，係好難嘅事；再加上好多時長輩嘅無心之談，在意嘅係我哋自己，既然係咁，點解我哋唔主動踏出一步，將諗法拎出嚟講，話俾（畀）對方知自己嘅感受？講出嚟一刻，你會發現，其實你已經釋懷，因為你最想的，不是表達憤怒/悲傷，而係得到對方嘅重視同愛。說到底，都係在意彼此的人，何必執著於誰對誰錯？」她亦於內文多謝導師蝦頭和火火，指很慶幸有機會參與節目。

撰文：梁榮達

同場加映：不可愛教主│Anson Lo忙爆日睡4小時仍追Po 「衝刺期唔通請假去瞓覺咩？」

{{hket:ul-video id="3644"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】