星格Boss｜林秀怡開美容院無預男友免拗撬 「一個唔好彩分手 間嘢點算？」

藝人林秀怡今個月告別2字頭，剛滿30歲的她一方面拍劇演戲，更是一間美容院的老闆娘，早早規劃好事業前程。秀怡今次投資了6位數字，跟朋友合作美容生意，講明自己只是小股東，其導演男朋友並沒有股份，「男朋友同我完全財政獨立，搞呢單嘢時無同佢點傾，因為佢比較忙又無乜嘢生意頭腦，費事拉佢落水，再者佢剩係夾錢而唔理其他嘢，覺得唔係幾好，所以最後完全無預佢，費事搞佢！（驚做生意影響同男友感情？）都驚，因為成日聽人講，朋友親戚合作驚會有拗撬，跟住無咗個朋友咁，所以驚驚哋，就算同佢有間嘢（公司），touch wood，第時一個唔好彩分咗手，咁間嘢點算？係咪？所以盡量唔好一齊搞生意。」

{{hket:inline-image name="KDSC08618.jpg"}}{{/hket:inline-image}}

{{hket:inline-image name="KDSC08643.jpg"}}{{/hket:inline-image}}

入行13年｜林秀怡跟阿旦學戲增值等好角色 成年無拍過劇：嗰排真係好得閒【下一頁】

秀怡指為了節省美容院的裝修費，有些地方是她落手落腳去裝修，「請師傅嗰份錢都係錢，寧願慳咗佢，牆紙都係自己揀，大部分都係我自己貼上去，其實好容易，好多人喺屋企都試過；某啲工程梗係要師傅搞啦，簡單嘢就自己搞，因為我哋啲勞力唔使錢。」籌劃店舖時還沒疫情，她說：「定好月份想開張，跟住疫情就開始嘞，然後拖咗半年有多，我哋一路畀緊租、出緊糧……都無辦法，嗰段時間大家都好難捱。（當時心情好差？）每次收到壞消息都會忐忑一、兩日，但好快會放開，覺得煩完再繼續煩都無用，對件事係無幫助，跟住會放開心情，盡做。（慶幸為人性格樂天？）係！就算有幾唔好彩嘅事情都盡量去拆解，你唔開心係無用，一啲都無幫助，不如慳番啲唔開心！」

{{hket:inline-image name="kirbysau_121149938_111705777264230_2319031747512852903_n.jpg"}}{{/hket:inline-image}}

{{hket:inline-image name="kirbysau_121225973_628191337865103_6458987991534266222_n.jpg"}}{{/hket:inline-image}}

人們說「女人錢易賺」，秀怡說出另一個故事，「我自己都使好多錢喺美容方面，之前去過好多美容院，唔知點解一入去就坐喺間房入面，會sell你個幾、兩個鐘……我諗住上嚟可以放鬆一下，又畀你困喺間房聽你講啲套餐……佢哋會不停講你啲皮膚有幾差、你個樣有幾衰，然後講你需要做啲乜嘢（療程），你唔買嘢就黑面！你要承受呢啲心理壓力。與其成日俾人咁sell，不如自己開番一間美容院，但我開就唔會hard sell人，當然有乜嘢療程會講，但唔會夾硬叫你去買，唔會話你樣衰一定要做呢樣嘢（某療程）！」

【多圖】林秀怡中學黑歷史大公開 自嘲打扮似肥師奶 為小豬「養臥蠶」【下一頁】

秀怡稱主力負責公司的宣傳工作，會搵公司藝人過來美容，然後影相做宣傳。提到公司其中一部「收陰機」儀器，她解釋跟其他美容院相差不多。問到圈中好友有誰試做過？她笑說：「自己就試咗先買呢部機，阮兒都有嚟做過呢部收陰機，因為好多女仔嘅盆底肌比較弱，會有尿滲問題，有時或者產後有鬆弛，就要做番實啲（緊緻）。（想搵邊位好友做代言人？）要搵媽媽級，我想搵孫慧雪做呢方面代言人，要睇吓佢肯唔肯先！相信佢都有盆底肌尿滲問題。」

（↓點擊放大睇圖片↓）

美容院在去年9月開業，生意上受疫情影響多大？秀怡表示：「開業一年未夠，就停咗業半年。公司皮費幾重，仲未圍到皮，但都無辦法，知道係疫情關係同埋好多因素，你唔可以去抵賴；疫情唔止對美容業，對飲食業、銷售行業等都有好多影響。今次係成個世界生意一齊差，希望我哋捱得過，而家逐步好番啲，需要努力做好宣傳工作，都驚大家未知道我有間美容院……公司到呢刻仲蝕緊錢，做生意無話100％賺錢，如果抱住100％賺錢心態去做，好難去實踐自己夢想或者某啲目標，個人亦冇咁開心，壓力會好大。因為我係小股東，我拍檔就好辛苦，佢真係要墊支好多出嚟！」

撰文：梁榮達

同場加映：群星見證《晴報》十周年成長 齊聲祝賀生日快樂

{{hket:ul-video id="3569"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】