星二代｜柏安妮17歲細女許恩怡0%似媽媽 出道拍戲即擔正令人「過目不忘」

80年代爆紅嘅性感尤物柏安妮（Ann）1983年因為電影公司要搵一位識溜冰嘅女仔拍電影而晉身影圈，喺娛圈期間曾出演至少二十部影片，曾經同周星馳合作《流氓差婆》、《咖喱辣椒》、《一本漫畫闖天涯》，亦同周潤發合演過《俠盜高飛》，並在1993年的《風塵三俠》中和梁朝偉合作而傳出一段緋聞。當年柏安妮曾以高分考入英國牛津，但在取錄後為了拍戲而延期入學；1993年她重返校園，之後就絕跡影壇。

{{hket:inline-image name="201.jpg"}}{{/hket:inline-image}}

不過呢十年已經足以令柏安妮喺觀眾心中留下深刻印象，到今時今日影迷依然非常掛念佢，但再睇佢拍戲似乎已經係不可能嘅事！不過近日，佢17歲嘅細女許恩怡（Natalie）就出道拍戲，仲第一次演出就擔正做女主角，令人萬分期待！

Natalie喺內地導演張一白執導嘅歌舞片《燃野少年的天空》中擔任女主角，飾演一位追尋自己跳舞夢想嘅少女小黃。從未拍過電影嘅Natalie係資優中學生，喺媽媽Ann嘅娛圈好友Kim Chou帶領下踏入影圈，Kim Chou同時肩負起經理人的工作，照顧Natalie呢位世姪女。

Natalie3歲開始學舞，先後接受古典、芭蕾舞、現代舞等舞蹈訓練，更已完成了所有皇家舞蹈學院嘅分級同職業考試。除咗舞蹈之外，Natalie更從小接受武術訓練，擅⻑劍術、⻑拳、太極等， 2019年亦參加了香港演藝學院年度傑出⻘年舞蹈家計劃。Natalie獲獎無數，曾喺多個武術同舞蹈公開比賽中取得好成績，表現優異。

Natalie品學兼優，同戲中角色如出一徹，同樣熱愛跳舞、將其視為夢想並努力追求。雖然舞技可能未達職業舞蹈員嘅水平，但佢所跳嘅每一個舞步都好有生命力，自然、不造作，導演張一白就係睇中佢呢種感覺。

導演張一白擔心由職業舞蹈員來演出不夠自然：「當我從好友給我看的短片中第一眼看見跳蹦蹦跳過欄杆的她，一臉自由自在，活潑的模樣，當下我就決定小黃一角非她莫屬。」縱使Natalie演技有待磨練，但佢青澀嘅表現更能展現出角色對跳舞嘅熱愛，一個追尋自己夢想嘅熱血少女，有種令人過目不忘嘅魔力。

同場加映： 愛回家之盛‧舞者│陳俊堅林浩文重拾舞蹈熱情 為演戲捱8千收入甘做「七線人棄王」

{{hket:ul-video id="3665"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】