【聲明】港生活網站並無進行電話推廣活動

李元元「阿飄」上身嚇親工人姐姐

發佈時間: 2021/07/23

李璨琛和太太梁志瑩(Sophia)的女兒李元元(Lucy)是人氣高企的「最萌星二代」,兩公婆不時在社交網分享囡囡的搞笑日常。昨日,Sophia上載一段於清晨五時在客廳CCTV拍下的黑白片段,片中只見一個細細粒的白色人影碎步飄過,畫面詭異。

原來詭異人影竟是Lucy,她剛睡醒便連人帶睡袋走出客廳找工人姐姐陪玩。Sophia爆笑留言︰「姐姐望出去見到一嚿咁短嘅嘢,但有條咁長嘅末端,真係以為自己見鬼!」幸好Lucy開聲表示想玩,工人姐姐才意識並非撞鬼,Sophia續說:「(Lucy)最正係都不忘照番個鏡睇下自己靚唔靚先。」有網民笑指是「最可愛的恐怖片」,林芊妤亦說︰「勁cute囉,半夜見到佢真係嚇死!」

李元元「阿飄」上身嚇親工人姐姐

三歲的Lucy肥嘟嘟超可愛。(資料圖片)