愛回家│細龍生硬搶送水輝功勞被網友鬧爆 鄭世豪：所有怨恨暫時還晒畀輝輝

《愛回家之開心速遞》昨晚一集，送水輝（許家傑飾）原本要為新威蓮閣餐飲做計劃書，但剛剛重奪CEO地位的細龍生（鄭世豪飾）暗中搞破壞，扮好人送首映飛畀送水輝的囝囝Philip仔（梁禹勤飾），其實暗地裡搞亂他的會議時間，搞到送水輝臨時甩底；令他事業失意之餘，連家庭都搞到滿城風雨。

愛回家│細龍生歸位CEO擺款搶走秘書阿皎 網友追問：係咪送水輝準備黑化？【下一頁】

{{hket:inline-image name="long6.jpg"}}{{/hket:inline-image}}

{{hket:inline-image name="long5.jpg"}}{{/hket:inline-image}}

沒想到送水輝因為今次的首映禮靈機一觸，將《鬼鬼鼠鼠偷蕃薯》的主題加入新威蓮閣的套餐，令餐廳大受歡迎，連帶大龍生（羅樂林飾）最討厭的死敵大陳（黃成想飾）等人都要低聲下氣向大龍生Book枱，一向要面的大龍生即刻沾沾自喜。正以為大龍生會好好表揚送水輝之時，沒想到細龍生將功勞全部歸於自己，更講大話指概念是他離開餐飲部之前諗到，然後叫送水輝去實行，送水輝無法提出證據，百辭莫辯，大受委屈。雖然最後送水輝含淚稱會想辦法向細龍生報復，不過網友都替送水輝感到難過。

網友們睇完昨晚一集之後，紛紛在討論區鬧爆細龍生，「龍力士真係好衰，抵Jenny永遠唔返佢身邊」、「龍力士呢種性格男人就算有錢都冇吸引力，乞人憎！」、「送水輝好慘！」、「今集好寫實」、「好耐冇睇《愛回家》，而家送水輝真係升咗呢」等等，似乎細龍生成為《愛回家》粉絲的公敵。鄭世豪接受《晴報》電話訪問，他表示：「好多人鬧我呀？哈哈，大家感受一下龍力士呢份怒火啦，被嗰隻龍力蓮恰得太耐，又被送水輝告狀搞到之前淪落如此，所以我會將所有怨恨暫時還晒畀輝輝的！！大家繼續忍受吧！」

愛回家｜細龍生驚爆收細龍太離婚協議書 新女友上場搞到Rebecca囉囉攣【下一頁】

雖然說奸角被罵是代表著演員的成功，不過網友的責備似乎都非常肉緊。世豪說：「暫時會繼續同送水輝鬥過，之後又會點呢？大家記住繼續追啦！我受得住，經歷過風霜嘅我，咩都抵擋得住，大家盡情鬧我吧！將所有不快，好似我踢垃圾桶一樣，先發洩出來，打完之後再慢慢諗，可能之後又會錫返我呢？」

{{hket:inline-image name="201209963_165615298915262_1554594102603182504_n.jpg"}}{{/hket:inline-image}}

{{hket:inline-image name="200982487_443440936845666_8212445160159759121_n.jpg"}}{{/hket:inline-image}}

{{hket:inline-image name="218228889_401197614666484_2594497436114353905_n.jpg"}}{{/hket:inline-image}}

同場加映：愛回家之盛‧舞者│陳俊堅林浩文重拾舞蹈熱情 為演戲捱8千收入甘做「七線人棄王」

{{hket:ul-video id="3665"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉