Chat with Jinny｜吳若希拍片「破冰」變互數缺點 被蔡嘉欣喊住鬧賤格冇憐憫之心

吳若希（Jinny）和蔡嘉欣早前合作主持《姊妹淘》時傳出不和，在直播片段中蔡嘉欣被爆拍攝時揀位坐，之後反被人串自以為是「一姐」，現場氣氛充滿火藥味。吳若希這日請來蔡嘉欣做其YouTube頻道的嘉賓，笑言二人進行「破冰儀式」，澄清她們沒有不和，可是卻變成互數對方缺點，場面爆笑。

{{hket:inline-image name="07231017.jpg"}}{{/hket:inline-image}}

{{hket:inline-image name="07231016.jpg"}}{{/hket:inline-image}}

吳若希由孭背囊進化到名牌手袋 萬元包包照掟：就住用冇意思！【下一頁】

吳若希先打開話題：「因為之前有好多新聞報道話我哋不和，各自有唔少朋友問我哋，『蔡嘉欣係咪真係咁乞人憎？』，『你兩個係咪真係唔啱㗎？』，如果我哋真係唔啱，你唔會喺我嘅YouTube Channel見到佢，佢唔值得喺度！」她笑指第一次見蔡嘉欣是在港姐競選當晚，不過除了覺得她除咗靚之外，沒有其他特別才華。蔡嘉欣聞言即反撃話：「吳若希係『人未到，聲先到』，你未見到佢但老遠聽到佢好大聲講嘢……對佢第一個印象是幾霸氣嘅，冇諗過喺TVB見到咁霸氣嘅人。（點解？）總之講嘢就好霸氣，同埋係唔熟就唔會特別去Social一個人，唔會戴假面具去同人傾偈。」

話題緊接講到對方令人不順眼的地方，吳若希指蔡嘉欣性格太直，不懂得隱藏自己，「佢喺出面會好硬淨，女強人咁，講嘢好直成日得罪人；但喺鏡頭後或我屋企，試過忍唔住喺度喊……哈哈哈，佢喺出面就擺出一副我就係咁，有乜嘢就話我（的態度），但背後就喊晒話覺得自己好委屈……」蔡嘉欣被爆這件事時竟然喊出嚟，仲話：「你一講我就好想喊……」但一旁的吳若希竟在大笑，令蔡嘉欣忍不住大喊：「你真係勁賤格，一啲憐憫之心都冇，人哋喊緊就係咁笑，笑到勁大聲……」

{{hket:inline-image name="07231008.jpg"}}{{/hket:inline-image}}

{{hket:inline-image name="07231007.jpg"}}{{/hket:inline-image}}

獨家│《姊妹淘》長壽播足十年收視不振摺埋 莊思敏：停得太突然返唔切嚟【下一頁】

蔡嘉欣之後大數吳若希的缺點，「我不滿佢嘅一個點就係佢講嘢勁大聲，成日笑人垃圾，其實佢自己一樣咁垃圾，成日都Double Standard（雙重標準），為人虛張聲勢，得個聲、得個殼，但原來入面係垃圾。」提到傳不和後見面時有否尷尬，她說：「我覺得勁好玩，我哋都感到好神奇，竟然創造出咁嘅新聞，好似編劇咁寫出劇本令好多人信。不如我哋繼續扮不和，將不和升級！」

（↓點擊放大睇圖片↓）

此外，對於《姊妹淘》即將停播，吳若希表示：「我喺2013年加入TVB，跟住年尾做《姊妹淘》，一路做到而家，真心係好玩。過程中學到好多嘢，又認識到一班互相幫助嘅姊妹。其實一定有唔捨得，但我哋姊妹關係唔會因為節目完而冇咗。」蔡嘉欣就無想過可以認識到一班可以分享內心說話的朋友，就算亂講說話都不會傳出去；她又表示或者大家會以這樣的組合，在網上跟大家再見面。

撰文：梁榮達

同場加映：愛回家之盛‧舞者│陳俊堅林浩文重拾舞蹈熱情 為演戲捱8千收入甘做「七線人棄王」

{{hket:ul-video id="3665"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】