今年係天王劉德華出道40周年，原訂21日會要發布新單曲《奉陪到底》，並於7月29日晚間要與粉絲相約空中見一起慶祝。但日前河南暴雨成災，華仔特別錄製1分鐘影片放上「華仔天地」網站同歌迷影迷會微博，除咗宣布新歌活動延期，都提醒河南民眾注意安全。此舉窩心又溫暖，但竟然都被中國網友鬧爆，到底所為何事？
劉德華喺片中以一身黑色打扮出鏡，表情嚴肅，用哭腔講：「我是華仔，我想親自告訴大家，『華仔天地』內的新歌活動將會暫緩推出，因為看到河南很多地區豪雨成災，我難受，所以就把這個活動暫緩吧。感謝雨災中的逆行者，希望他們平平安安，還有市民如果沒必要就不要外出，如果外出的話，希望你們遠離電線桿，不要主動涉水。如果你在家中的話，我希望如果你們遇到洪水進入的話，記得記得要拉電閘，希望大家懂得保護自己，我們大家一起為河南加油，希望所有所有朋友大家都能夠平平安安，加油！」
唔少粉絲同網民都大表感動，有人趁機請佢水災後到河南開演唱會。不過，有唔少網民就認為「行動最實際」，唔少人都著眼到底劉德華捐咗錢未，非常現實！不過都有好多劉德華嘅粉絲幫佢講說話「劉德華低調做慈善也不是第一天了，別人怎麼說隨他吧。」
除咗華仔，黎耀祥都非常關注災情，更拍片下跪為河南祈福：「我希望早點雨過天晴，我們每一個中國人都會為河南加油打氣，希望雨快停、水快退，河南平安。」最後更雙手合十，跪地祈福，不少網民都留言大讚他非常誠心！黎耀祥自今年3月底離港到內地工作以來，除了拍戲之外，仲去到多個唔同城市出席活動，睇嚟佢除咗密密搵銀之餘，都心繫國家人民嘅安全！
明星們除咗拍片打氣外，唔少人都選擇捐款表心意，捐固然有心，不過就有唔少人以數字去衡量明星們嘅愛心。除咗劉德華，唔少明星都因為捐錢嘅問題被批鬥。喺曝光嘅善款中，台灣演員張庭捐款最多，高達500萬，其次是內地藝人黃子韜捐300萬，並下架個人品牌所有商品，全部支援河南災區，被網民激讚。而多位明星夫婦包括鄧超孫儷、章子怡汪峰、應采兒陳小春、張智霖袁詠儀等都統一捐出100萬。然而，在Angelababy、迪麗熱巴捐款50萬被網友「嫌少」聲討，仲有多位於內地發展嘅香港藝人因為尚未有捐款消息嘅相關憑證與報道而被批鬥，當中包括郭富城、鄧紫棋、佘詩曼、胡杏兒、林峯、蔡少芬張晉夫婦、劉愷威、陳浩民等。
不過其實有唔少人都低調捐款而唔會對外宣揚，好似今次靚靚同Chilam為河南加油打氣時被指責，靚靚之後post出銀行單證明已向「北京韓紅愛心慈善基金會」捐出100萬人民幣先平息到「民怨」。其實話唔埋好多藝人早已捐款，所以大家都唔可以妄下定論；亦有網民感慨捐款都變咗「炫耀」同「做騷」，其實任何人捐唔捐錢都係自己嘅自由。
同場加映：愛回家之盛‧舞者│陳俊堅林浩文重拾舞蹈熱情 為演戲捱8千收入甘做「七線人棄王」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】