77年版《紅樓夢》｜毛舜筠自爆當年係佳視「肥黛玉」 憶蕭笙外景場地大開金口助入戲

毛舜筠（毛姐）近排同陳宇琛（Sam）及林佑蔚（Camille）兩公婆，於YouTube合作搞「Mo Moments」頻道。毛姐今日介紹酒店的地中海午餐外，並分享1977年拍攝佳視版本的《紅樓夢》趣事，自爆當年有個花名叫「肥黛玉」，由於17歲年少無知，完全不懂如何去演繹經典場面「黛玉葬花」，最終要已故著名監製蕭笙現場大開金口唱歌，助其投入演出這場戲，但卻搞到毛姐當場忍唔住爆笑出來。

{{hket:inline-image name="07232006.jpg"}}{{/hket:inline-image}}

{{hket:inline-image name="07232007.jpg"}}{{/hket:inline-image}}

《鹿鼎記》梁朝偉罕有現身為毛舜筠賀壽 合照重現韋小寶與三老婆經典【下一頁】

毛姐邊品嘗美食邊分享當年拍劇趣事，她說：「其實我係幾容易肥㗎，我拍過佳視嘅《紅樓夢》，係同伍衛國、米雪拍，賈寶玉係伍衛國，我就係林黛玉，當時花名係叫『肥黛玉』。當年服裝間姐姐好懊惱，我哋古裝戲服有條腰帶，成日畀我整到『巢』晒，因為我肥得淨，啲肉摺住咗，於是要幫我攝幾層嘢，令腰帶無咁易『巢』；但整到太硬，結果頂住我個胃。」

毛舜筠出海抖氣罕曬粉紅泳裝照 即將「登六」少女感依舊爆燈【下一頁】

毛姐指林黛玉是個多愁善感的女仔，無理由是個肥胖的人，會同大家心目中形象不吻合，「我當時唔單止肥，仲喜歡曬太陽，好鍾意陽光，十幾歲女仔嚟講係好正常，我會成日走去沙灘乾曬，搽滿太陽油就瞓喺度曬。我性格係比較開心，唔係多愁善感…，嗰時做林黛玉搞出好多笑話，蕭笙叔（已故著名監製）同我去韓國拍外景，上到一個山好有感覺、氣氛，要拍嗰場『黛玉葬花』，要一路葬花、一路黯然流淚，當時我十幾歲唔係好明，點解啲花跌落嚟又要葬咗佢？」

（↓點擊放大睇圖片↓）

毛姐表示蕭笙叔當日很有耐性，在她旁邊細心解說角色的心情，可惜解釋完都幫助不大，她只是「哦、哦」兩聲回應，結果蕭笙叔決定即場大開金口唱歌，希望藉此幫到毛姐投入角色，「我哋開始roll機拍攝，佢就唱歌，我就揸住斧頭去演…，佢一路唱，而我就一路『焗蟹』（忍笑），『焗』到最尾笑咗出嚟，阿叔就覺得我無得救﹗哈哈﹗」毛姐指當年身邊有好多哥哥姐姐愛錫自己，每樣事情又很順利，可能因此一食就肥。

撰文：梁榮達

同場加映：星格Boss｜林秀怡開美容院無預男友免拗撬 「一個唔好彩分手 間嘢點算？」

{{hket:ul-video id="3668"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】