王浩信、胡鴻鈞、陳豪、黃翠如、陳敏之等昨晚出席信和集團旗下奧海城的商場活動,與市民齊齊欣賞東京奧運的開幕禮,他們在台上與信和集團資產管理董事蔡碧林分享奧運會中最喜歡觀看的運動比賽,又跟幸運兒觀眾一齊玩遊戲,打成一片。因疫情已一段時間沒有公開活動,幾位藝人都表示有種久違嘅感動,王浩信、敏之同胡鴻鈞走到台下同粉絲拉近距離打招呼,場面非常熱鬧。
刑偵日記│王浩信開直播谷劇開濾鏡變韓星 9歲愛女閃現1秒超迷戀爸爸【下一頁】
王浩信在現場獻唱兩首歌,期間走到台下繞場一周,跟市民自拍合照,他接受訪問時興奮表示:「對一個鍾意唱歌嘅人嚟講,喺現場可以聽到大家掌聲,係好值得感恩同愉快嘅事……兩年冇感受過呢種感覺,其實都感動。」提到日前在網上直播期間,女兒靖喬突然入鏡一秒,大為驚喜,他說:「阿女佢喺屋企見到我不停同好多人講嘢,好好奇,所以拉佢入鏡頭一秒,網民就截晒圖。(可能遺傳父母表演基因?)佢偏向鍾意表演,有學跳舞興趣班,將來會唔會父女檔表演就隨緣啦!睇佢意向,而家會盡量保護佢私生活,唔想影響返學,希望佢童年喺有保護之下成長;等佢大啲先諗(入行問題),我唔會特別抗拒,但要尊重番佢。」
蕭正楠因工作需要離港一段時間,最記掛的是太太黃翠如,特別在IG留言說:「隔離嘅日子即將要開始,唯一唔放心嘅,就係呢個小朋友。如果有一日你喺街上見到佢,希望你畀啲食物佢,最好已經煮熟咗,感激感激。」原來他為太太準備好三餐的食物,並在食物盒上留下字條︰「要活著!」實在窩心又搞笑。黃翠如受訪時說:「之前每日佢都會同我晨早起身去跑步,而家我就試一個人跑,會堅持,跑步之後身體都好咗。(養生為生B?)佢唔喺香港點生B?順其自然啦!我哋兩個其實生唔生都冇乜嘢所謂!」
陳敏之開YouTube Channel│伍詠薇談性事笑稱後悔冇搞陳山聰 自爆2017年開始暴瘦背後原因【下一頁】
陳敏之近排積極為自己YouTube Channel拍片做節目,第一集就同契姐伍詠薇大爆陳山聰私隱。「其實主要想同身邊朋友分享點滴,一定要請家姐做頭炮,佢大情大性,有爆炸點都係意料之內,我哋都係真性情。至於陳山聰啲料……係我家姐先知,我都有邀請山聰上我節目,不過佢拍緊劇,當晚佢睇完片……傳短訊畀我鬧我……係英文嗰四個字,我話我只係讚佢。其實大家都係開玩笑啫!希望網民睇得開心,多啲正能量,之後短片有感動位,大家會睇到喊,又會拍吓親子、工作、飲食嘢等等。」
胡鴻鈞認自己是《聲夢傳奇》粉絲,身為TVB歌唱比賽的師兄,他表示:「我有緊貼戰況!一直睇好炎明熹,佢哋15位都好厲害,希望會有好好嘅發展;正所謂青出於藍勝於藍,呢個環境下我都要認老,如果佢哋唔嫌棄我,將來希望有機會合作!」
同場加映:
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】
責任編輯:楊安莉