【聲明】港生活網站並無進行電話推廣活動

任新歌MV女主角 周秀娜大讚呂爵安有型

發佈時間: 2021/07/26

久未公開露面的周秀娜,昨天以活動大使身份出席短片拍攝計劃啟動禮。娜姐早前與人氣男團MIRROR成員呂爵安(Edan)合作拍攝MV,娜姐昨日多次大讚對手聰明、有型,但卻笑言有點嬲MIRROR︰「佢哋連唇膏廣告都搶埋!」

呂爵安最近推出新歌《小諧星》,邀請「女神」周秀娜擔任MV女主角,而MV推出三日,截至昨晚九時已逾85萬次點擊。娜姐指自己十分喜愛今次的MV故事︰「今次同Edan合作,拍之前我都睇過佢首《E先生連環不幸事件》嘅MV,發覺近年真係好少MV拍得咁有故事性。」娜姐在MV中有落水及谷胸鏡頭,引起不少討論,問她之後演出會否再性感一點?她指自己一向大方騷身材,又解釋片中的性感白色裙是行紅地氈的造型,「行紅地氈,梗係有咁靚着到咁靚啦!」

娜姐曾與姜濤合作拍攝電視劇,今次再跟Edan合作拍MV,她大讚MIRROR有正能量、充滿活力,不過她笑言︰「但我有啲嬲,佢哋連唇膏廣告都搶埋,叫我哋啲女性點搞呀!」問她會否希望集齊12子合作?娜姐認為最重要是外形合襯,但她表示有興趣與Edan拍劇,又讚Edan聰明和謙虛,彈鋼琴的時候十分有型。

姜大衞父子檔合作

另外,姜大衞及姜卓文兩父子昨日亦有出席活動,他們最近在微電影中合作,同樣飾演父子,問姜大衞對兒子的演技有何評價?他笑言一定會給予50分感情分,另外50分就交由觀眾決定;而姜卓文則說︰「喺努力方面一定100分,演技上就有待進步。壓力一定有,但都係好事,會將壓力轉化成推動力,我都唔想姜派演技失傳。」

採訪︰Pauline

美術︰梁政敏

任新歌MV女主角 周秀娜大讚呂爵安有型

Edan在MV中暗戀飾演明星的娜姐。(網上截圖)

任新歌MV女主角 周秀娜大讚呂爵安有型

姜大衞及姜卓文(右)父子檔拍戲,兩人都認為較容易掌握。