【聲明】港生活網站並無進行電話推廣活動

與伍詠薇深情對談又喊又笑 陳敏之︰我哋都係真性情

發佈時間: 2021/07/26

陳敏之、王浩信及陳豪等日前出席信和集團旗下商場奧海城的東京奧運活動,與信和集團資產管理董事蔡碧林分享最喜愛的奧運賽事,場面熱鬧。最近進軍YouTube界的敏之,邀請契姐伍詠薇擔任網上節目嘉賓一起談情說性,最新一集中她們憶起亡父,在鏡頭前爆喊,相當感人。

一眾藝人與奧海城現場的幸運兒大玩遊戲,王浩信獻唱歌曲時,走到台下繞場一周,相當親民。敏之最近開設個人網上頻道,請來伍詠薇(伍姑娘)對談,伍姑娘竟大爆契細佬陳山聰的私隱,敏之笑說︰「主要想同身邊朋友分享點滴,一定要請家姐(伍姑娘)做頭炮,佢大情大性,有爆炸點都係意料之內,我哋都係真性情。至於陳山聰啲料係我家姐先知,當晚山聰睇完片,傳短訊畀我鬧我英文嗰四個字,我話我只係讚佢,大家都係開玩笑啫!希望網民睇得開心,多啲正能量,之後嘅片有感動位,大家會睇到喊。」

前晚敏之上載新短片,提到若有機會,會向誰人道歉,二人均想跟亡父道歉。伍姑娘坦言與父親甚少溝通,到她18歲那年父親便因病離世。她說︰「爸爸在生時得唔到仔女養育之恩,來世你再做我爸爸!」敏之坦言小時候曾離家出走,陳爸爸試過拿剪刀示意剪她頭髮令她不再離家,她爆喊說︰「當然佢剪唔落手,我依家有個仔,先明嗰種心痛,我覺得我唔係人、好不孝,爸爸已經離開咗,想講『對唔住』都無機會。」

王浩信讚女兒愛表演

至於王浩信在活動上獻唱《夏日傾情》,歌手出身的他說︰「對一個鍾意唱歌嘅人嚟講,喺現場聽到大家掌聲,係好值得感恩同愉快嘅事。」提到日前在網上直播時女兒突然入鏡,浩信笑說︰「阿女見到我不停同人講嘢,好好奇,所以拉佢入鏡頭一秒。」他指女兒喜歡表演︰「(入娛圈)睇囡囡意向,依家會盡量保護佢私生活,唔想影響佢返學。」

撰文︰娛樂組

美術︰梁政敏

與伍詠薇深情對談又喊又笑 陳敏之︰我哋都係真性情

信和集團資產管理董事蔡碧林(左三)與一眾嘉賓,主持開幕禮啟動儀式。

與伍詠薇深情對談又喊又笑 陳敏之︰我哋都係真性情

大受市民歡迎的王浩信,有求必應逐一自拍。

與伍詠薇深情對談又喊又笑 陳敏之︰我哋都係真性情

伍姑娘(左)與陳敏之提到家事,不禁感觸落淚。(網上截圖)