《愛回家》拜金Venus｜「哈比女神」鄺潔楹爆進化黑歷史 被哥哥質疑：覺得我係整過容

無綫小花鄺潔楹（Judy）在《愛回家之開心速遞》中，飾演「島大四美」之一的拜金女Venus，再加上在旅遊節目《3日2夜》的性感演出，令她成為宅男追捧的「哈比女神」。可是她早前被眼利網民搵到2012年所拍的廣告，樣貌明顯同今時今日有很大出入，因而被外間質疑整容。Judy趁今個月29歲生日，在最後一年2字頭人生，拍片公開過去的黑歷史，跟大家分享如何進化成今日的女神模樣！

{{hket:inline-image name="07262001.jpg"}}{{/hket:inline-image}}

{{hket:inline-image name="07262004.jpg"}}{{/hket:inline-image}}

愛回家｜潮偉請Venus做助手釀片場災難 鄺潔楹曬與194cm袁文傑搞笑合照【下一頁】

Judy直認是廣告中的女主角，指自己當時已開始接觸娛樂圈及模特兒工作。之後她由17歲在美國讀高中時說起，先上載一張2010年她穿上白色小背心的照片，跟現時的她十足兩個人，「大家睇到，我（嗰時）係箍緊牙，箍牙某程度上會令人錯覺以為有整容……自己覺得最唔同地方係我個鼻，以前個鼻豬膽啲……呢個時期係重過而家30磅，我想講當你瘦30磅後真係會達到一個整容級嘅效果，所以……講咁多就係想講自己冇整容，哈哈！」

Judy之後再分享多張學生時期照片，不過相中的衣著打扮相當趕客，「當年嘅銀色眼影不得了……究竟嗰時我諗咩？」她講完又回帶白色小背心的造型，指當年體重有120磅，不過周圍的人就話她好健康。其後到另一個州份讀大學，妝容開始出現變化，重手畫了上下眼線；至2014年大學畢業，又再進化成另一個人，「可能我接觸番多啲亞洲人，我條眉變番一字眉，冇左下眼線，成個妝變番亞洲風格。嗰時冇而家咁瘦，都仲有少少肉地，但至少比4年前嘅白背心苗條咗好多。」

{{hket:inline-image name="07262016.jpg"}}{{/hket:inline-image}}

{{hket:inline-image name="07262008.jpg"}}{{/hket:inline-image}}

【醉爆女神】鄺潔楹傳與酒吧業富二代熱戀 酒後施冧功：大家畀啲空間我哋【下一頁】

再分享到22歲在香港做平面模特兒時期，樣子開始見得吓人，「個樣同而家我覺得係有唔同，阿哥講過話如果佢係外人，應該會覺得我係整過容。但我已經箍完牙，所以臉型已細咗啲，鼻嚟講……我就解釋唔到……化唔同嘅妝有唔同效果啦！同埋髮型，因為本身額頭高，一定要留少少頭髮先得。」

（↓點擊放大睇圖片↓）

提到25、26歲時在《3日2夜》入面以泳裝示人，她笑言不知是哪來的勇氣，強調現在不會再著比堅尼出鏡，「今日嘅結論就係，我真係冇整容，其實某程度係減咗肥，大家都知我身高冇1米6，所以重2、3磅就會好明顯，好好彩而家冇彈番去美國時期嘅120磅。同埋咁多位姊妹，雙眼皮膠紙係好重要……睇番呢十年嚟嘅變化，真係想畀啲掌聲自己。十年前都唔諗到今日咁樣，我由細到大不嬲都係唔高又有肉地嘅人，但無論你身形係點都唔重要，最緊要係個人開心。」

撰文：梁榮達

同場加映：Thai耐無去︱泰國通胡慧冲邪惡試榴槤 一年四季都「當造」 隔住個Mon都聞到

{{hket:ul-video id="3694"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】