明珠台主持│陳約臨訪問賽後張家朗示愛又飛吻 氣氛尷尬又失禮被網友鬧爆

香港奪金！有「193劍神」之稱的張家朗殺入東奧男子花劍決賽，與上屆金牌得主意大利選手Daniele Garozzo爭奪金牌，最終成功以15:11勝出奪金，是香港歷史上第2面金牌。比賽後，張家朗接受香港的傳媒訪問分享得獎的喜悅，心情仍未平復的他大方面對提問，只是沒想到TVB代表陳約臨竟然突然示愛，令張家朗一臉尷尬。

{{hket:inline-image name="f7b30bd8-3cf7-4ad1-8e6d-b75db91202ab.jpg"}}{{/hket:inline-image}}

張家朗甫出場走到訪問區，陳約臨已經第一時間尖叫，大大聲說：「我好鍾意你呀！點算呀？」面對突然的示愛，又是跟比賽完全無關係的提問，張家朗只是尷尬說：「多謝大家。」隨後，陳約臨在訪問中不斷提個人感受，卻非提問張家朗有關比賽種種或者奪得香港第二金的感受，令睇直播的觀眾火都嚟！

東京奧運│無綫宣傳片赴日採訪名單出爐？ 日本通周奕瑋：未收到確實通知【下一頁】

陳約臨的提問包括：「你拎咗香港好耐好耐以嚟嘅第一個金牌（應為第二面），而家諗緊乜？」、「你由今朝九點鐘打到而家，你中間做咗啲咩？」等等，張家朗多謝家人，表示︰「最想多謝屋企人，有時我練得唔好會有脾氣……」還未講完，陳約臨就搶住「劖亂歌柄」，「而家做緊直播，你屋企人睇緊，你多謝佢哋啦！」張家朗以尷尬為由拒絕，陳約臨未有放棄，再說：「我覺得佢哋一定感動流淚，我自己喺觀眾席已經想喊……」

陳約臨再講個人感受，在旁其他專業的體育記者一度中斷她，立即追問其他重要的問題，但陳約臨仍然在旁大聲喪笑，繼續「搵位入」，「攞獎牌呀你！我要改口叫你金家朗，唔得呀，唔得呀！你係香港人嘅驕傲，好proud of you！係呀，係呀，香港市民叫我畀個飛吻你喎而家，不過有社交距離……」

此時的張家朗尷尬到一個點，並向工作人員示意「訪問是否完成？」正想離開之際，陳約臨再次進攻，「商場逼爆晒，就係睇你每一分都打得好穩定……」現場記者毫不客氣中斷她的發言，她卻沒有理會，搶著說：「全部香港市民見證住，多謝你，為我哋爭光，多謝你！」

全城睇住直播，陳約臨完成訪問後，面對鏡頭做總結，但她語無倫次，繼續發揮她的「零專業」，說：「嘩！頭先……嗯……現場……由朝早打香港個人賽，朝早打到日本差、差、差唔多十點，佢體力消耗好勁！但佢每一分鐘都打得好準確、好穩定……（靜咗幾秒）運動員得獎呢一刻實在意想不到，不過意想不到就更令人……更加驚喜同開心。（再靜幾秒）我喺現場睇係好感受到香港運動員嘅熱血，有種make the dream come true嘅感覺，完全喺佢身上……絕對感受到！意大利對手真係好勁，張家朗而家係世界第一，喺呢度祝張家朗……恭賀你為香港爭光，再一次恭喜張家朗，我哋會繼續支持香港隊，我Kelly陳約臨會繼續為大家賽事直擊，希望繼續睇現場直播，好！好開心呀真係！」

啱晒Channel│麥大力正式踩入明珠台做主持 夥拍時尚靚女係「亞洲皇后」？【下一頁】

訪問完畢，網上洗版式鬧爆陳約臨，「邊個嚟㗎？好唔專業」、「垃圾記者，痴女又無內容」、「張家朗答緊問題嗰陣又打斷佢，我唔係想聽你發表感想」、「成個訪問都好尷，大量垃圾問題」等等。

陳約臨現年25歲，與方力申、吳業坤、周奕瑋等出發日本東京代表香港採訪奧運會；坤哥、周奕瑋只能在周邊採訪花絮，陳約臨、方力近則可以走進比賽場館內，近距離採訪運動員。陳約臨2017年畢業於珠海學院新聞與傳播學系，該校的社交網站不時用她的名字來招生，她亦為母校擔任講師，不過今次失禮的表現，可會影響校譽？

陳約臨後來經「澳門選美連盟」推舉為2016年《國際小姐》選美活動的香港代表，並贏得「亞洲皇后」獎項。翌年加TVB，主持明珠台的《港生活‧港享受》外，亦有主持不少旅遊節目，在網上經常大曬性感泳衣照。

{{hket:inline-image name="ADHCn.jpg"}}{{/hket:inline-image}}

{{hket:inline-image name="151713552_253590856228486_4879850917951992667_n.jpg"}}{{/hket:inline-image}}

同場加映：星格Boss｜林秀怡開美容院無預男友免拗撬 「一個唔好彩分手，間嘢點算？」

{{hket:ul-video id="3668"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉