人生第一份工｜何雁詩入行12年發展平平決心離巢 富家女唔憂做 下周飛美國度蜜月

28歲的何雁詩（Stephanie）在2009年參加《超級巨聲》而簽約TVB入行，早前有傳她會離巢，她沒正面回應。而昨日原來是Stephanie在TVB的last day，她在IG表示自己要離開工作了12年的娘家，決定跳出comfort zone。

{{hket:inline-image name="222067210_332229901910554_7865862098394649210_.jpg"}}{{/hket:inline-image}}

Stephanie在IG分享於TVB門外拍攝的照片，感觸指自己經歷了人生第一個last day，「估唔到我人生第一份工一做就做咗12年，由中學畢業到結婚都係喺呢間公司度過。我所有關於呢一個行業嘅知識，都幾乎完全係喺TVB學習番嚟。不過，呢個世界係好大㗎，有好多地方&事情我都仲未見識過同埋需要學習。係時候跳出自己嘅comfort zone，去出面嘅世界學習一下。」

由今日開始Stephanie展開人生和事業的新一頁，她又多謝各位TVB同事一直以來的照顧，「特別TVB mom對我一直的包容和理解，所有照顧過我嘅同事&得力金牌歌手經理人。仲有各位一齊捱通頂，一起笑一起躁嘅兄弟姐妹們，多謝你哋畀我嘅所有回憶，江湖再見！」鄭俊弘亦留言撐老婆：「加油！我永遠支持你。」

{{hket:inline-image name="223493211_349684296781635_2370527139188511199_n.jpg"}}{{/hket:inline-image}}

Stephanie接受本報訪問時，直言十分不捨離開，她說︰「始終都喺TVB咁多年，最唔捨得係公司出名嘅叉雞飯，當然好多同事都唔捨得，因為佢哋好多都睇住我入行。」問到約滿後可有公司接洽？「都有嘅，有任何啱傾嘅公司都唔排除合作嘅可能，暫時我會自己做住先。（自組公司？）本身去年自己都開咗間公司做歌，暫時見步行步啦！」

她又指老公鄭俊弘（Fred）相當支持她的決定，回復自由身的她，旅行癮發作，自爆下周會跟丈夫到美國補度Honeymoon，「Fred去美國登台，個騷仲有鍾嘉欣，咁我就跟埋去，順便度蜜月，我哋會周圍去玩，加埋隔離，預計去一個月。」又透露和Fred已打齊防疫針，也會做檢測，屆時可以盡情玩。至於會否順道造人？Stephanie則表示暫時未有計劃。

{{hket:inline-image name="141854596_411881746566322_3068120749397369201.jpg"}}{{/hket:inline-image}}

在2009年，當年只有16歲的Stephanie參加第一屆《超級巨聲》，之後簽約TVB，2014年加盟星夢娛樂，同時亦有參演TVB的電視劇，唱歌、拍劇雙線發展，於2019年11月30日約滿星夢娛樂。

2017年，Stephanie與Fred公開戀情，去年3月，女方以獨立歌手身分推出全新歌曲及自資發行第三張個人專輯。二人在去年11月舉行婚禮。

《天天開運王》︳鄭俊弘何雁詩千呎愛巢曝光 巨型梳化惹血光之災點化解？ 【下一頁】

採訪：Pat

同場加映：Thai耐無去︱泰國通胡慧冲邪惡試榴槤 一年四季都「當造」 隔住個Mon都聞到

{{hket:ul-video id="3694"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】