風雨不改｜79歲盧海鵬獲發哥接送上山跑步 改善腳痛問題：身體比以前好咗

79歲盧海鵬（鵬哥）日前出席慈善活動，見他中氣十足，身形比從前清減。原來打從今年2月開始，他跟隨發哥（周潤發）跑步，每次最少有廿幾人參與，大家更是風雨不改，最重要是發哥會親自接送他，難怪鵬哥愈跑愈精神。

{{hket:inline-image name="07271003.jpg"}}{{/hket:inline-image}}

{{hket:inline-image name="07271005.jpg"}}{{/hket:inline-image}}

《林盧去追星》林建明向盧海鵬敬酒爆喊 只望身體健康繼續鬥嘴【下一頁】

鵬哥於2018年12月聽從古天樂及杜琪峰勸導，入院接受「通波仔」手術，出院後就減少幕前工作。日前他應邀出席慈善活動，精神狀態不錯，「好耐無咁嘅活動，因為周圍有病情影響，能夠做番呢啲嘢都好，以前藝進會都有去做慈善。（近排有時間就做運動？）而家會去跑步，朝早5點鐘就起身，起碼跑一個鐘頭，唔係喺屋企附近，去行山徑嗰啲地方跑，大帽山、城門水塘都有去，有時水塘嘅引水道都會去跑。」

盧海鵬入養和通波仔 古天樂埋單找數【下一頁】

鵬哥指每朝有幾十人一齊跑，最少也有廿幾人參與，「能夠有本事出得嚟，又唔怕早起身，全部改變咗生活習慣，早瞓又食嘢方面改變晒。（而家食得好清淡？）清淡還清淡，但一定要補充體力；我差唔多係二月開始跑，一路跑到今時今日，唔理打風落雨，風雨不改。（打風會有人陪跑？）都有，都要去，我自己去唔到，一定要人車我去先得，周潤發親自嚟車我。我身體比以前好咗，人又fit咗，腳痛問題也有改善，周潤發係隨隊醫師，會為大家按摩鬆筋骨，手勢一流。」

（↓點擊放大睇圖片↓）

至於有否興趣繼續拍戲？他話：「有，無所謂，問題係有無嘢拍先得，我梗拍，點會唔肯拍？我而家行得又唱得，又郁得，我點會唔肯拍。遲啲會有得拍，可能拍黃百鳴嘅電影。（年底80歲大壽會點慶祝？）無咩計劃慶祝，簡單開心就得，可能跑步時會慶祝，因為我哋有人生日嗰陣，周潤發會帶頭輪流為我哋慶祝。」

撰文：梁榮達

同場加映：C AllStar X ERROR 挑戰死亡行星 Dee誤爆明年3月開騷？

{{hket:ul-video id="3709"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】