【聲明】港生活網站並無進行電話推廣活動

薛家燕為學生組女團受阻

發佈時間: 2021/07/28

薛家燕、汪明荃及《聲夢傳奇》學員等昨午到沙田出席活動,《聲夢》學員鍾柔美(Yumi)是家燕姐的音樂學校學生,二人昨日同場現身,家燕姐對學生成長大感高興。可會考慮為學生組一隊女團?家燕姐說︰「好想,但我好注重佢哋學業,今期有兩個學員唱跳都好叻,但家人想佢哋去外國留學,我唔想阻佢哋前途。」家燕姐又稱近日多了不少人報讀音樂學校,年紀最小更只得四、五歲。

會否推薦學生出戰第二屆《聲夢傳奇》?家燕姐稱︰「我知有好多學生參加,但自己無推薦!」她強調不想因自己與無綫的關係助他們入圍︰「我有同佢哋講參賽唔一定成功,係攞經驗。」此外,汪明荃提到活動展出自己當年不少經典劇照,她笑說︰「我無特別攞出嚟,佢哋有好多,早前喺理工大學都做過展覽。」

薛家燕為學生組女團受阻

鍾柔美(右二)因《聲夢》人氣急升。