《姊妹淘》上周播完｜謝芷倫入組《流行都市》做主持 暗示公司安排回歸《愛回家》

無綫播足十年的長壽節目《姊妹淘》上周五（23日）播完第406集之後，正式跟觀眾講拜拜，功成身退。《姊妹淘》曾由不少女藝人輪流拍檔做主持，如今少了一個出鏡機會，眾人去向少不免令人擔心；不過當中謝芷倫（Jan）很快有新工作，被安排入組《流行都市》，日前已跟章志文及黃嘉雯拍檔開工。

{{hket:inline-image name="07282003.jpg"}}{{/hket:inline-image}}

{{hket:inline-image name="07282002.jpg"}}{{/hket:inline-image}}

獨家│《姊妹淘》長壽播足十年收視不振摺埋 莊思敏：停得太突然返唔切嚟【下一頁】

《姊妹淘》上周五最後一集為配合東奧而以運動作主題，上半部有謝芷倫和傅嘉莉玩攀石，而下半部則由傅嘉莉、李君妍及曾淑雅，跟小學球隊學習棒球。這集是全外景拍攝，所以到最後未有作任何節目回顧，只有本輯主持吳若希、莊思敏、張寶兒、陳詩欣、蔡嘉欣及孫慧雪等，在鏡頭前向觀眾告別。《姊妹淘》就這樣無聲無色的完結，讓人感到有點可惜。

【法證先鋒IV】謝芷倫親身上陣扮屍體匿真空袋 侷住曝曬乾蒸個幾鐘【下一頁】

不過無綫節目眾多，主持之一的謝芷倫很快就被安排加入《流行都市》，十幾日前更同新拍檔章志文到酒店介紹Staycation；至於近一、兩日又回到錄影廠，聯同港姐冠軍黃嘉雯一齊拍攝，孖李文星、Jacky Yu（余健志）、Billy Yeung（楊國基）及三姐（蕭秀香）等名廚講飲講食。謝芷倫在IG亦有分享跟其他人的自拍照，看來已融入新工作中，並搞笑留言：「我要進軍飲食界喇！」

（↓點擊放大睇圖片↓）

謝芷倫接受《晴報》訪問，透露自己是今個月加入《流行都市》，亦將會跟不同的主持合作，「除咗要拍煮食部分，仲會拍攝唔同種類好睇好玩嘅外景。我對煮嘢食係好有興趣，拍攝時可以向唔同嘅大廚偷師，係一次難得嘅機會；每次睇完佢哋煮餸，我都好想試吓自己煮一次。（有份拍《姊妹淘》最後一集？）我係第一次玩抱石，攀岩係今年奧運嘅新項目，嗰日有個位置係over head，真係有啲難度，好彩挑戰成功。（有冇錄起這一集作收藏？）平時會錄低自己有份嘅演出，呢集係最後一集當然有錄低。」

提到在IG似暗示有機會回歸《愛回家之開心速遞》，再次飾演大小姐（林淑敏飾）的秘書林美香Mandy，她表示：「有冇得回歸《愛回家》，都係等公司安排啦！」至於近日東奧成為熱門話題，她在社交平台曬冷騷昔日在運動場上的獎牌，原來謝芷倫是名田徑高手，「我中學係田徑隊嘅，短跑同跨欄係專項；有追睇奧運，最鍾意睇藝術體操、羽毛球及田徑，尤其係跨欄。」

撰文：梁榮達

同場加映：C AllStar X ERROR 挑戰死亡行星 Dee誤爆明年3月開騷？

{{hket:ul-video id="3709"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】