住屋爭拗｜向二叔買樓長住三叔拒搬霸屋 港男無助：我咁辛苦供樓佢白食白住

「上車」簽約前，記得先𨤳清業權及解決租客問題，以保障自己權益。一名網民近日在網上發文求救，稱早前向二叔購買物業，惟收樓時發現過往長住該單位的三叔拒絕搬走，始知他們曾有錢銀恩怨，三叔更稱該二叔的舊債一日未還，他都不會搬離單位，令事主深感困擾：「我咁辛苦供層樓佢就白食白住......」

一名網民前日（27日）在「香港討論區」發文，表示其二叔準備移民，將其中一個物業轉售予他，簽約時律師已查清只有二叔持有該物業，故雙方簽約交易並完成按揭批核後，就由事主一人擁有業權，他形容整個買賣過程十分順利。

此前，事主得知其三叔居於該單位，過往只需向其二叔繳付水電煤費，毋須繳交租金；而事主購買物業時，亦曾向三叔說明買賣情況，他收樓後將會自住，對方需要搬走。惟直至他正式上門收樓當日，卻發現三叔仍未執拾行裝，對方更揚言從沒打算搬走，

「佢發爛話以前我二叔拎咗佢好多錢，到而家啲錢都未還，仲話未搞掂嘅話佢唔會搬走。」

事主透露，自己以按揭買樓，日後供樓有一定經濟負擔，故曾向三叔提出可讓對方繼續居於該單位，但需繳交相應租金，幫補供樓支出，未料遭對方一口拒絕，「三叔話二叔爭佢好多錢，點解仲要佢畀錢出嚟。」

三叔月入更高又爛賭  事主拒再讓步

事主續指，當初他希望搬出自住，才會向二叔購買該單位，怎料無辜成為二人磨心。即使他與三叔為親戚關係，但兩人過往並無聯絡，更遑論任由對方獨霸單位，

「佢月入4、5萬仲多過我，佢自己又爛賭，我咁辛苦供層樓佢就白食白住，仲話要同佢一齊住？點講道理都講唔通！」

事主發文向網友求救後，獲不少人留言回應，並提供多個建議助他解決難題：

（↓點擊圖片放大↓） 

最後或會循法律程序處理

事主其後回應網友留言，表示買樓前曾與二叔討論三叔情況，對方指收樓當天三叔就會搬走，沒料到三叔會「霸住間屋」，現時亦未找到對雙方有利的解決方案。他續指，若最後無法私下解決問題，屆時或會循法律程序處理，

「搵律師傾會係我最後一步，因為所謂嘅法律意見都係睇晒所有文件，證明我係業主之後就用唔同條例，話佢犯咗啲咩法例要佢即時搬走。但係一下子就搞到咁，好似有（討論區）會員咁講，到時候佢一拍兩散，燒屋咪兩輸。」

同場加映：

用獨門手藝做善事 港女自創珍珠絲襪奶茶

{{hket:ul-video id="3645"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：賴天兒