當局者迷？｜被女友要求幫手一次過交3年租金 港男收女方前度電話警告小心被騙

不少情侶都會租樓同居享受二人世界。一名港男發文訴說，指交往4個月的女友早前提出跟他租樓同居，他因要照顧家中長者而拒絕，女友便要求事主出錢讓她租樓住，並一次過支付3年租金。對此，事主憶述早前接到女友前度來電，提醒他當女友提出租屋時要小心，稱付錢後女方就會一走了之。惟事主直言跟女友一起時感到快樂，又指對方計算清楚所有數目，為未來結婚買樓作好打算，令他不知如何是好。

居住問題｜港女想過二人世界，未來奶奶願借百萬首期置業，男友拒絕一個原因提出住劏房，詳情即睇：【下一頁】

一名男網民上周三（7月28日）在「香港討論區」以「其實條女係咪呃錢架（㗎）咋？」為題發文，表示自己跟女友交往4個月，對方在本月初提出有意跟事主租樓同居，他聽後表示需要照顧家中長者，故暫時不會考慮搬出去住；女友聞言後表示明白，轉而叫事主出錢給她租屋住，他對此沒有異議，遂著女友自行尋覓心儀單位。

直至近日女友指友人有單位放租，如一次過租3年可以「收平啲」，並解釋道：「因為佢（友人）會離港，唔想成日返港打理。」事主對此卻有所顧慮，他憶述跟女友交往約一個月時，有一名匿名人士經常致電女友；有天他意外接聽來電，發現竟是女友的前度，但對方卻非為找女方而來，而是找她的現任男友，亦即事主，

「佢（女友前度）當時同我講嘅嘢：『如果佢（女友）講租屋嘅事你就要小心』。大約就係話畀咗錢，條女就會走人，當中有啲過程同我而家（嘅）情況係一模一樣，搞到我而家唔知點做好。」

女友稱打算結婚買樓令事主猶豫

對此，事主指接聽電話當時，女友尚未提及租屋一事，故質疑其前度「係咪搞事？想我哋散」；惟對方的說法如今卻「實現」，令他不知應否相信對方。他表示跟女友在一起「好開心」，對方提出租樓時又計算好所有數目，表示「慳咗幾萬蚊」，事主形容：

「佢（女友）講得好好，話想結婚買樓，如果一次過租，平咗嘅錢可以儲起遲吓買樓用，講嘅嘢中晒我心。」

事主又指，若不是女友前度來電，自己已付錢讓女友租屋。他直言現在不知如何是好，打算拖到最後一刻才面對女友，了解整件事的來龍去脈，

「女友叫我月尾前要答覆，但我而家成日諗番佢Ex（前度）講嘅事，完全一模一樣！如果真係租，嗰度3年係一筆唔少嘅錢。佢前度亦有講︰『你唔肯租嘅話佢會即刻提分手』！」

網民：擺明係一個局

不少網民看到帖文後，認為事主女友提出一次過交3年租金的說法不合理，加上對方前度特地來電提醒，著事主不要輕言答應，甚至建議他跟女友斷絕來往，以保護自己：

↓ 點 擊 圖 片 放 大 ↓

同場加映：

揀水蜜桃｜3大日本桃糖度13度以上 專家教你揀山梨縣水蜜桃【附4步剝皮秘訣】

{{hket:ul-video id="3699"}}{{/hket:ul-video}}

地域差異？｜提議荃灣租樓同居，居港島男友寧住同區劏房，港女無奈：住出少少慘過死？詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀