桃李滿門│黃煒林由演員轉行做歌唱老師 以《聲夢傳奇》做教材網上教學

《聲夢傳奇》成功培育出15名年輕學員，令不少年輕人的音樂夢想再次燃起，燃起熱情。在網上有不少歌唱老師以專業資格去點評比賽中各學員的表現，令網民得益不少，其中一位正是名為「威廉老師」的黃煒林。黃煒林此名字相信大家都不會陌生，睇樣一定覺得熟口熟面，冇錯，他在1990年代無綫劇集經常露面，早年轉行做歌唱老師，而且非常成功，桃李滿門。

同場加映：張松枝16歲被捧為卡拉OK王子 感激古天樂幫助度過事業樽頸

{{hket:ul-video id="4453"}}{{/hket:ul-video}}

聲夢傳奇｜炎明熹老師為愛徒磨刀4年靠實力 平反雙非背景：出生喺邊度無得揀【下一頁】

{{hket:inline-image name="da00b94c-2b9a-44d6-9150-0e7fac563846.jpg"}}{{/hket:inline-image}}

{{hket:inline-image name="149.jpg"}}{{/hket:inline-image}}

{{hket:inline-image name="0789c670b7e3def7b58620631e7d24a456893.jpg"}}{{/hket:inline-image}}

黃煒林接受《晴報》電話訪問，他表示自己已經有一段長時間沒有出現在熒光幕上，就算現時的學生睇重播舊劇見到他，都難以相信他曾是演員。黃煒林於1989年加入無綫藝員訓練班，畢業後加盟無綫做了12年演員，大多數是劇集中的小配角。合約完結之後，黃煒林轉行外闖，做藝員之前他學過樂理等音樂知識，希望可以善用，「做歌唱老師之前有個過渡期，喺酒廊做歌手，因為做過演員，大家認得我個樣，我就一路唱歌賺錢一路去學唱歌。好感激區瑞強嘅御用鍵琴手Vincie介紹我去音樂農莊教唱歌，開啟我做老師的事業，所以我好多謝兩位，佢哋係我恩人。」

教鞭一執已經接近20年，他一直是香港護士協會合唱團導師，亦有不少小朋友學生。「雖然12年演員生涯唔係咩大紅大紫嘅人，不過正因為演員嘅身份，令大家願意畀機會我上台唱歌，開啟我人生另一條路，非常感恩。做演員時多數都係陪襯，等埋位期間，好多天王天后都好願意同我哋傾偈分享，好似鄭秀文、李克勤、黎明等等，佢哋完全冇架子，同我哋呢班小演員分享好多錄音嘅事，令我喺佢哋身上學到更多。」

聲夢傳奇｜炎明熹唱憶蓮經典作點擊破百萬 Chantel版《戀愛預告》有初戀Feel【下一頁】

不過，近兩年由於疫情的關係被迫停課，收入大不如前，後來黃煒林決定部分學生轉做網上授課，加上《聲夢傳奇》歌唱比賽的出現，他希望以生動的方式去教學生唱歌，於是將學員的參賽片段當作教材在網上討論，沒想到收到很多意外收穫。「最難捱嘅日子過去咗，好開心有關《聲夢》嘅片段令更多人認識我，亦有好多家長同學生因此畀信任我，跟我學唱歌。」他表示有幾位學生都有報名參加《聲夢Junior》同《聲夢傳奇2》，「我同咗學生講，上次咁成功，今次比賽參賽者一定質素更強勁，希望大家得失唔好睇得咁重，最緊要係贏到一次經驗，就算去唔去到決賽都冇所謂，最緊要係賺到經驗同見識。」

{{hket:inline-image name="58809e88-dbf9-43c2-9b24-7c6c6f235425.jpg"}}{{/hket:inline-image}}

{{hket:inline-image name="35475828-3ed0-4698-bb0e-6861acc9282d.jpg"}}{{/hket:inline-image}}

離開幕前已經很多年，黃煒林坦言無時無刻有戲癮，他較難忘的劇集是《卡拉屋企》的「鬈毛強」、《布袋和尚》及《少年五虎》中演阮兆祥的弟弟等，感恩幕前給他的一切，才會有今時今日在音樂教育界的發展。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉